ოაზისი

ოაზისი (გვიანიშ. ლათ. oasis, ბერძენ. Oasis; დუდმაართაშე მუზმარენი დოხორელი აბანიშ ჯოხოდვალა ლიბიაშ ტიოზის) — ჯაჩანარეფით ვარდა ქვერჩხონეფით დო ოდიარეეფით გოპულატერი ნოკვეთეფი, თაშნეშე ინტენსიური დიხაშქიმინჯალაშ რაიონეფი ტიოზიშ დო გვერდოტიოზიშ ოწყარალ დიხეფს. ოაზისი მეძობელ რაიონეფწკჷმა ალაზჷმაფათ უმოსი ლამე აბანი რე, მუთ გჷმოჭანაფილი რე გრუნტიშ წყარიშ მაღალი დონეთ, წყუეფიშ სიხვეიეთ, წყარმალუეფიშ პერიოდული ადიდაფათ, ხელუანური წყარუათ. ოაზისიშ ზჷმეფი იძანძჷ მუსხირენ ჰა-შე მუსხირენ ოშობათ ვითოშ კმ²-შახ. შხირ შვანს იკათუანს დიხაშგიმენ წყარეფს, კანკალეშა არტეზიულს ხოლო. სამანგათ, ოაზისეფით დიდარი რე საჰარა, სოდე ეიოშინალი რე კუფრაშ, თაჯარჰიშ, ჯაღბუბიშ, ელ-ხარგაშს, დახლაშ დო შხვ. ოაზისეფი, ნამუეფიშ ტერიტორია შხირას მეჭედელო რე დოხორელი. ჩანს ფინიკიშ პალმა, ლუღი, ლაკაცია დო შხვ. ჩანარობა. აზიას ეიოშინალი რე ფართე ლივაშ ოაზისი; ავსტრალიას შანულამი რე ოაზისი „პალმეფიშ ლეხერი“.

ოაზისი ომანს.

ოაზისი უჯოხონა თაშნეშე ჸინშე დუდიშულ აბანშა ანტარქტიდას. ოაზისური მეურნობა, ამდღა დიხათქიმინჯალაშ ართ-ართი შანულამი ფორმა რე.

თაშნეშე ქოძირით

• ტიოზი

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ოაზისი“ ვიკიოწკარუეს.
• ოაზისი – დიდი სხუნუეფიშ ენციკლოპედია Archived 2014-08-04 ვებ-ხასჷლას Wayback Machine. (რუს.)
• ოაზისი – ენციკლოპედია ბრიტანიკა (ინგლისური)