იბნ კუთაიბა
აბუ მუჰამად აბდ ალაჰ იბნ მუსლიმ იბნ კუთაიბა ალ-დინავარი ალ-მარვაზი, უმოსო შინელი რე მუჭოთ იბნ კუთაიბა (არაბ. ابن قتيبة, დ. 828, ქუფა — ღ. 889, ბაღდადი) — სპარსალი მენცარი, მოღალენდჷ შხვადოშხვა დარგეფს: თეოლოგიას, ფილოსოფიას, იურისპრუდენციას, ფილოლოგიას, ისტორიას, ასტრონომიას, აგრონომიას, ბოტანიკას. მიშეღჷ დიდი კონტრიბუცია არაბული ლიტერატურაშ გოვითარაფაშა.
| იბნ კუთაიბა | |
| არაბ. ابن قتيبة | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: | |
| ღურაშ აბანი: | |
| მენოღალობა: |
|
| ომენცარე სფერო: |
თეოლოგია |
დებადჷ ქუფას, სპარსალეფიშ ფანიას. გურაფულენდჷ ფილოლოგიას. ხალიფა ალ-მუთავაქილიშ ხეშულობაშ ბორჯის რდჷ ყადი, ნოღა დინავარის. უკულიან პერიოდის მუშენდჷ მაგურაფალო, ბაღდადის, სოდეთ იბნ კუთაიბა დუჸვილუნა, დოხოლაფირო 889 წანას. რდჷ ბაღდადიშ ფილოლოგიური სკოლაშ ართ-ართი მაართა წჷმმარინაფალი დო შუუბია ისლამიშ ოპონენტი.
იბნ კუთაიბა რე ავტორი 60-შე უმოსი ნახანდიშ. თიში ნახანდეფიშე ეიოშინალი რე: მუშქილ ალ-ყურანი (არაბ. مشكل القرآن), ალ-აშრიბა (არაბ. الأشربة), უიუნ ალ-აჰბარი (არაბ. عيون الأخبار), ქითაბ ალ-მაარიფი (არაბ. كتاب المعارف) დო შხვეფი.
ართ-ართი მუში ნახანდის იბნ კუთაიბა ჯგირი თარობაშ გეშა ჸათაშ ჭარუნს:
"ვაარსებენს ჯგირი თარობა
არმიაშ უმუშო,
დო ვართ არმია ფარაშ უმუშო,
დო ვართ ფარა წჷმოძინაშ უმუშო,
დო ვართ წჷმოძინა
სამართალიშ დო ჯგირი მართუალაშ უმუშო".
რესურსეფი ინტერნეტის
რედაქტირაფა- Kunitzsch, Paul (2008). "Ibn Qutayba, Abū Muḥammad ʿAbdallāh Ibn Muslim Al-Dīnawarī Al-Jabalī". Complete Dictionary of Scientific Biography. Encyclopedia.com. http://www.encyclopedia.com/doc/1G2-2830903558.html.
- Imam Ibn Qutayba