იესო ქირსე სუპერმურიცხი

იოსე ქირსე სუპერმურიცხი
მუსიკა - ენდრიუ ლოიდ ვებერი
ლერსეფი - ტიმ რაიტი
გჷშაშქუმალა 1969 ქონსეფთ ალბუმი 1971 ბროდვეი 1972 პარიზი 1972 ვესტ ენდი 1973 იესო ქირსე სუპერმურიცხი (კინო)
ინტერნაციონალური გჷშაშქუმალეფი 1977 ბროდვეი 1996 ვესტ ენდი 1998 გოართოიანაფილი ომაფეშ ტური 2000 ბროდვეი ეშუაფა 2001 გოართოიანაფილი ომაფეშ ტური 2002 ნორს ვერნონი 2003 აკოართაფილი შტატეფიშ ტური 2004 გოართოიანაფილი ომაფეშ ტური 2011 სტრატფორდი 2011 ლა ჟოლადიშ პლეიჰაუზი 2012 ბროდვეიშ ეშუაფა

იოსე ქირსე სუპერმურიცხი რე ენდრიუ ლოიდ ვებერიშ როკ ოპერა, ტიმ რაისიშ ლერსეფით. მიუზიკლიქ გჷშართჷ მუჭოთ როკ ოპერაქ იოსე ქირსე სუპერმურიცხი (ალბომი) სოიშახ ბროდვეიშ სცენას დიდგუმუდჷ 1971 წანას. მიუზიკლი გერსხილი რე ახალ აპიანს ეჭარილი იოსე ქირსეშ რინაშ ეკონია მარას, ნამუთ იჭყაფუ ქირსეშ დო თიშ მოჩქვაფილეფიშ გახაზირებათ იერუსალიმშა მიშაულარო დო ითებუ ჯვარს მიკოჭკადუათ. თე მიუზიკლი ღოზის უსვანს პოლიტიკური დო ინტერპერსონალურ ლჷმას იუდა ისკარიოტალი დო იოსე ქირსეშ შქას, ნამუთ ვა რე მოჩამილი ბიბლიას. მიუზიკლიშა ვა რე მიშულირი იოსე ქირსეშ თანაფა. თეშენი, სიუჟეტი ჯინჯიერო მეთხოზჷ ქირსეშ ნებაშ წჷმორინაფაშ ტრადიციული ფორმას.

იოსე ქირსე ოხვამეშე გჷმაჸათანც ფარაშ გინმათირალეფც

ნახანდი არზიენს მაჯინეს ქირსეშ დო შხვა პერსონაჟეფიშ ფსიქოლოგიაშ დუდიშულ ინტერპრეტაციას. სცენარიშ დიდი ნორთი ფოკუსირაფილი რე იუდაშ პერსონაჟშა, ნამუთ მუწოძირაფილი რე მუჭოთ ტრაგიკული ფიგურა, ნამუთ უბაღინაფუ რე თით, მუ გეზათ მეჸუნს ქირსეს მუშ ნაწაფეეფი. მაეჩა ოშწანურაშ მერინეფი, თაშნეშე განწყობეფი თეხანური სლენგი ბრელი ხვადუ ლერსეფს, დო თეხანურ რინას ირონიული ალუზიეფი რე მოჩამილი პოლიტიკური მოლინეფიშ ეჭარუაშ ბორჯის. მუჭოთ ოსცენე, თაშნეშე კინო, ოსქვებურო მუწმაძირუანჷ ბრელ ანაქრონიზმის.

სცენარი

ქიმინჯალა I

ართ-ართი მუსიკალური მონოლოგის მოჩქვაფირი იუდა ისკარიოტალი გიშარაგადანს მუშ ჭიროთის იოსე ქირსეშ მარდუ პოპულარობაშენი დო თაშნეშე "მაფაშ" ჯოხოშ გოლაფაშ ნეგატიური მოღალუეფიშენ. იუდა აკრიტიკენს იოსე ქირსეს მუშ გემაჸვენჯეეფიშ ვა რეალისტური მეჯინელობეფიშ მეღებაშენ დო თე ასპექტიშ ვა თოლჸუჯაფაშ გურშენი (მუსიკალური პასაჟი: "Heaven On Their Minds"). თიშ უმკუჯინალო ნამჷ-და იუდას დიო ხოლო პატიცენს იოსე ქირსეს, თის ჯერს ნამდა იოსე ქირსე რე უბრალო კოჩი დო ვართ ღორონთი. თეს გეძინელი, იუდა გიშმახანტჷნს მუშ შქურინაფას თით, ნამჷ-და ქირსეშ შარა ძირაფილი იჸი რომალეფშე, მუჭოთ რომიშ იმპერიაშო საფრთხენ დო თენა გიშეჭანუანს იოსე ქირსეშ დო თიშ მიმათხოზინალეფიშ საჯებას. მითინ ველეჸუჯუანს იუდაშ გოფრთხილაფას თიშენ, ნამდა ქირსეშ ეკმაჸუნალეფი თელო რენა კონცენტრირაფილეფი ქირსეწკჷმა ართო იერუსალიმშა ოულარო. მუჟამს ქირსეშ ეკმაჸვენჯეფი კითხენა ქირსეს მუჟამ იჸი იერუსალიმშა ულან, ქირსე უგამენს, ნამჷ-და თინეფქ ოკო მიოტუანი მუმალშე ჭიროთი, თიშენ ნამჷ-და ირფელი ღორონთიშე რე ოწმახო დოდგინელი (მუსიკალური პასაჟი: "What's the Buzz?").

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.