ინდიშ ცივილიზაცია
ინდიშ ვარ-და ჰარაპიშ ცივილიზაცია — კოჩოშობაშ ართ-ართი უჯვეშაში ცივილიზაცია, ჯვეშეგვიპტურ დო შუმერულ ცივილიზაციეფწკჷმა. თე სუმშე არძაშე კაბეტი ფართობი უკებუდჷ. ივითარებუდჷ ინდიშ ლეხერს არიალეფიშ მულაშახ, ჩ.წ.ეე-შახ III ოშწანურეფს. ცივილიზაციაშ თარი ცენტრეფი — ჰარაპა, ლოთჰალა დო მოჰენჯო-დარო.
წჷმისტორია
რედაქტირაფაჯვ. წ. VII ოშწანურას ინდიშ ლეხერს დო სარასვატის ივითარებუდჷ წჷმიდიხაშმოხანდე კულტურა, ნამუსჷთ მეგჰარიშ კულტურას უძახჷნა. თე ბორჯის ადამიერქ მიოგორუ ეფექტური საშუალებეფი ეფექტურო მეუღებუდუკო ოჭკომალი რესურსეფინ. ზუსტას თექ შილებუამო გჷნართინუ ადამიერიშ გოვითარაფაშ შხვა დონეშა გინულა. თე დონეს კულტურულ-ისტორიული კომპლექსიქ გიადჷ.
ცივილიზაცია
რედაქტირაფა
მოჰენჯო-დაროს დო შხვა ტერიტორის მეგორაფილი რე ირიგაციული დიხაშხანდუაშ დაჭყაფურეფი. თაშნეშე მოჰენჯო-დაროს მეგორაფილი რე არძაშო ჩინებული საპირფარეშო დო კანალიზაცია. ინდიშ ლეხერიშ ჭარალუა ამდღა ხოლო უგუშიფრუ რე, თეშ გეშა მამართალეფიშ ჯოხოეფი დო მართუალაშ ფორმა უჩინებუ რე.
თება
რედაქტირაფაინდიშ ცივილიზაციაშ თებაქ მოხვადჷ ჯვ. წ. XVIII–XVII ოშწანურეფს. თე ბორჯის დრავიდური მახორობა გინმურს ობჟათე-ბჟაეიოლშა დო ოდინუანს გოვითარაფაშ დონეს. სავარაუდეთ, ცივილიზაციას ბოლო მეგამა მიორინუეს არიალეფქ, ნამუეფქჷთ ინდიშ ლეხერშა გემიშეჭკირეს, თე მიშაკათაფა ეჭარილი რე ”რიგვედას” ხოლო.
მაართა ჩინებეფი პრეარიული ცივილიზაციაშ არსებუაშ გეშა XIX ოშწანურას გჷმაბჟინუ ალექსანდრე კანინგემქ. საბოლოოთ თე ცივილიზაციაშ არსებუაქ დედასურჷ 1921-1922 წანეფს ჯონ მარშალიშ ექსპედიციაშით.
თაშნეშე ქოძირით
რედაქტირაფა- მარგიანული ცივილიზაცია — არსებენდჷ ინდიშ ცივილიზაციაწკჷმა ართო ასეიან ავღანეთიშ დო თურქმენეთიშ ტერიტორიას.
ლიტერატურა
რედაქტირაფა- Альбедиль М.Ф. Забытая цивилизация в долине Инда. М. 1991.
- История древнего Востока, т. 1. М.1986.
