ინი (წყარმალუ)
ინი (გერმ. Inn, ლათ. Aenus, Oenus) — წყარმალუ შვეიცარიას, ავსტრიას დო გერმანიას, დუნაიშ მარძგვან ნადუ. წყარმალუ ინი იჭყაფჷ შვეიცარიაშ ალპეფს, ენგადინიშ რეგიონს, გიშმურს ზილსიშ დო სილვაპლანაშ ტობეფს, უკულ მიშმურს ავსტრიაშ ტერიტორიაშა, სოდეთ გიშმურს ტიროლიშ ტერიტორიას დო ტიროლიშ ნანანოღა ინსბრუკის, უკულ მიშმურს ბავარიაშა, ნოღა კუფშტაინიშ ხოლოს. ბავარიაშ ტერიტორიას ინი გიშმურს შხვადოშხვა ნოღეფს, იკათუანს შხვადოშხვა ნადუეფს დო ინაკათუ წყარმალუ დუნაის, პასაუშ ტერიტორიას. ინიშ უდიდაშ ნადუეფ რე: ფლაცი, შპიოლი, პიცბახი, მელახი, სილი, ზილერი, მურნი, ჰარტბახი, სანა, გურგლბახი, კიფერბახი, მანგფოლი, ისენი, როტი დო შხვეფი. წყარმალუ ინის იდვალუაფჷ 24 კაშხალი, უდიდაშეფ რე: პრადელა, იმსტი, ნუსდორფი, ტოგინგი, მარტინა. წყარმალუ ინიშ სიგჷნძა რე 518,5 კმ. ღანჩოშ ფართობი 26,053 კვ.კმ.
| ინი | |
|---|---|
წყარმალუ ინი
| |
| დოხასიათაფა | |
| სიგჷრძა | 518,5 კმ |
| ღანჩოშ ფართობი | 26,053 კმ² |
| წყარიშ ნადუ | |
| ოდუდე | შვეიცარიაშ ალპეფი |
| ინაკათუ | დუნაი |
| ქიანეფი დო ნოღეფი | |
| ქიანეფი |  შვეიცარია ავსტრია გერმანია
|
| ნოღეფი | ინსბრუკი, როზენჰაიმი |
ქოძირით თაშნეშე
რედაქტირაფარესურსეფი ინტერნეტის
რედაქტირაფა- წყარმალუ ინი ენციკლოპედია ბრიტანიკას
- წყარმალუ ინი დიდ რუსულ ენციკლოპედიას Archived 2021-02-28 ვებ-ხასჷლას Wayback Machine.