ისჩიგუალასტო

ისჩიგუალასტო იუნესკოშ მოსოფელიშ მონძალაშ ობიექტი
ქიანა	არგენტინა
ტიპი	ორთაშობური
კრიტერიუმეფი	viii
ერკებული	იუნესკოშ ერკებული
რეგიონი	ობჟათე ამერიკა

ისჩიგუალასტო (ესპ. Ischigualasto) — გეოლოგიური ფორმეფით ჩინებული პარკი არგენტინას, სან-ხუანიშ პროვინციაშ ოორუე-ბჟაეიოლ ნორთის, ჩილეშ თანჯაწკჷმა. პარკის ოორუეშე ომძღჷ ტალამპაიაშ ნაციონალური პარკი (ლა-რიოხა), ნამუსჷთ თაშნეშე ბრელი რე გეოლოგიური ფორმირაფეფი.

პარკიშ ფართობი რე 603,7 კმ², ნამუშ უდიდაში ნორთი იდვალუაფუ სან-ხუანიშ პროვინციაშ ვალიე-ფერტილიშ დეპარტამენტის, მორჩილი ნორთი იდვალუაფუ თე პროვინციაშ ხაჩალიშ დეპარტამენტის. პარკი იდვალუაფუ ზუღაშ დონეშე 1 300 მეტრას.

კლიმატი ძალამი სქირე რე. ჭვემეფი უჩქჷ ხვალე ზარხულიშ მალობას. წანაშ მინიმალური ტემპერატურა რე -10 ° C, მაქსიმალური — 45 ° C. ირიათო ირქენს ობჟათეშ ბორია 20-40 კმ /სთ სიჩქარათ.

პარკიქ იფორმირჷ ტრიასულ ერას (230 მილიონი წანაშ წოხლე). თაქი მეგორაფილი რე ძუძუშმაწუალეფიშ თი ბუნაშა, ნამუთ, მუჭოთ მენცარეფი ვარაუდენა, წჷმარინუანა გინმაალ საფეხურს ჯვეშ დინოზავრეფს დო ალმახანურ ძუძუშმაწუალეფს შქას.

2000 წანას პარკი მიშეღეს იუნესკოშ მოსოფელიშ მონძალაშ ობიექტეფიშ ერკებულშა.

ქოძირით თაშნეშე

• იუნესკოშ მოსოფელიშ მონძალაშ ობიექტეფი არგენტინას
• მოსოფელიშ მონძალაშ ობიექტეფიშ ერკებული ამერიკას

რესურსეფი ინტერნეტის

• Parque Provincial Ischigualasto Archived 2005-10-18 ვებ-ხასჷლას Wayback Machine. .
• ArgentinaXplora.com
• Ischigualasto.com Archived 2016-08-27 ვებ-ხასჷლას Wayback Machine.
• Ente Autárquico Ischigualasto Archived 2012-12-20 ვებ-ხასჷლას Archive.is
• CuyoNoticias digital newspaper.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.