კარლ გუსტავ იუნგი

კარლ გუსტავ იუნგი (გერმ. Carl Gustav Jung; დ. 26 კვირკვე, 1875, კესვილი, თურგაუშ კანტონი, შვეიცარია — ღ. 6 მანგი, 1961, კესვილი, თურგაუშ კანტონი, შვეიცარია) — შვეიცარიალი ფსიქიატრი დო ფსიქოანალიტიკოსი. იუნგიშ მენცარული რკვიებეფი ორხველუდჷ ფსიქიატრიაშ, ანთროპოლოგიაშ, არქეოლოგიაშ, ლიტერატურაშ, ფილოსოფიაშ, ფსიქოლოგიაშ დო რელიგიაშ დარგეფს. იუნგი გურაფულენდჷ ბაზელიშ უნივერსიტეტის. გურაფაშ თებაშ უკულ მუშენდჷ ციურიხიშ უნივერსიტეტიშ ფსიქიატრიულ ჰოსპიტალს, ოიგენ ბლოილერიშ ხემანჯღვერობათ. ჸათე პერიოდის კარლ იუნგიქ გეჩინებაფუ ფსიქოანალიზიშ დუმარსხუაფალი ზიგმუნდ ფროიდი. ფროიდის ოკოდ მუშ ფსიქოანალიზიშ თეორია იუნგიქ გაგინძორუკო დო ფროიდიშ ინიციატივათ იუნგიქ გიშაგორილქ იჸუ საირქიანო ფსიქოანალიტიკური ასოციაციაშ პრეზიდენტო. მარა უკულიან პერიოდეფს იუნგიშ რკვიებეფქ დო აზრეფქ ფროიდიშ მენცარულ დოქტრინას ვემიაჸუნ. კარლ გუსტავ იუნგიქ დარსხუ ანალიტიკური ფსიქოლოგიაშ სისტემა, ნამუთ ფროიდიშ ფსიქოანალიზიშე ზოხორინელი სისტემა რდჷ. იუნგიშ ანალიტიკური ფსიქოლოგიაშ ცენტრალური კონცეფცია ინდივიდუალიზმი რე. იუნგიქ მიშეღჷ შხვადოშხვა ფსიქოლოგიური ტერმინეფი: სინქრონულობა, არქეტიპული ფენომენი, ფსიქოლოგიური კომპლექსი, ინტროვერსია — ექსტრავერსია დო შხვეფი. კარლ გუსტავ იუნგი რდჷ მედიცინაშ ომაფე ჯარალუაშ მაკათური. კარლ გუსტავ იუნგი რდჷ ჰარვარდიშ უნივერსიტეტიშ, ოქსფორდიშ უნივერსიტეტიშ, ჟენევაშ უნივერსიტეტიშ, კლარკიშ უნივერსიტეტიშ დო შხვა ომენცარე ინსტიტუტეფიშ საპატიო დოქტორი.

კარლ გუსტავ იუნგი
გერმ. Carl Gustav Jung
ETH-BIB-Jung, Carl Gustav (1875-1961)-Portrait-Portr 14163 (cropped).tif
კარლ გუსტავ იუნგი დოხოლაფირო 1935 წანას
დაბადებაშ თარიღი:

26 კვირკვე, 1875

დაბადებაშ აბანი:

კესვილი, თურგაუშ კანტონი, შვეიცარია

ღურაშ თარიღი:

მანგი 6, 1961 (85 წანერი)

ღურაშ აბანი:

კიუსნახტი, ციურიხიშ კანტონი, შვეიცარია

მენოღალობა:

შვეიცარიაშ შილა შვეიცარია

ომენცარე სფერო:

ფსიქიატრია, ფსიქოლოგია

სამუშაშ აბანი :

ციურიხიშ უნივერსიტეტიშ ფსიქიატრიული ჰოსპიტალი

ალმა-მატერი:

ბაზელიშ უნივერსიტეტი

ომენცარე ხემანჯღვერი:

ოიგენ ბლოილერი

ხეშმოჭარუა:

Carl Jung signature.svg

ლიტერატურარედაქტირაფა

  • Hannah, Barbara, Jung, his life and work; a biographical memoir, New York: G. P. Putnam's Sons, 1976.

რესურსეფი ინტერნეტისრედაქტირაფა



  ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.