კასტელ-დელ-მონტეშ ჯიხაზურგა
კასტელ-დელ-მონტე (იტალ. Castle of the Mount) — XIII ოშწანურაშ ჯიხაზურგა ობჟათე-ბჟადალ იტალიას, აპულიაშ რეგიონიშ ნოღა ანდრიას, ბარიშე 70 კილომეტრით ბჟადალჸურე. ეკიდჷ რომიშ იმპერატორ ფრიდრიხ II-ქ, დოხოლაფირო 1240-1250 წანეფს. უკულიან პერიოდეფს, თინა მუდგაზმარენშახ გორჩვეს აბრაგეფქ. თის ვართ ნთხორილი გარჩქჷ მუკი-მუკის დო ვართ ეიოკინალი ხინჯი, თეშ გეშა, დღას ვა გჷმირინუაფუდუ, მუჭო დუდიშოთხილუ ჯიხაზურგა.
| კასტელ-დელ-მონტეშ ჯიხაზურგა* | |
|---|---|
| იუნესკოშ მოსოფელიშ მონძალაშ ობიექტი | |
 ლაგუნაშ რუკა | |
| ქიანა |  იტალია
|
| ტიპი | კულტურული |
| კრიტერიუმეფი | i, ii, iii |
| ერკებული | იუნესკოშ ერკებული |
| რეგიონი** | ევროპა |
| კოორდინატეფი | 41°05′03″ ოორ. გ. 16°16′17″ ელ. გ. |
| კათაფაშ ისტორია | |
| კათაფა | 1996 (მა-20 სესია) |
| ნომერი | 398 |
| * ქძ. ინგლ. ჯოხო UNESCO-შ ერკებულს. | |
| ** იუნესკოშით კლასიფიცირაფილი რეგიონი. | |
|
მოსოფელიშ მონძალა UNESCO, ობიექტი № 398 რუს. • ინგლ. • ფრ. |
1996 წანაშე მიშულირი რე იუნესკოშ მოსოფელიშ მონძალაშ ობიექტეფიშ ერკებულშა.
ჯიხაზურგა ჭიჭე გას, ზუღაშ დონეშე 550 მეტრას, სანტა-მარია-დელ-მონტეშ მონასტერიშ გოხოლუას იდვალუაფუ. მუჟამსთ თიქ იუ ეკიდილქ, თე რეგიონი ძალამი ოჸოფარე რდჷ დო ფორილი რდჷ შხვადოშხვა სახეშ ჩანარეფით.
ჯიხაზურგას მუში მინჯე, ფრედერიკ II ონადირუ ჸუდეთ გჷმირინუანდჷ, სოიშახ თიქ 1250 წანას ვადოღურუ. თეშ უკული, ნოგაფუ ჯიხათ გეგნაკეთეს, ნამუსჷთ გაჭირებაშ ბორჯის დუდს მითაფორუანდეს. დუდშე, ნოდგჷმს მარმარილოშ კიდალეფი დო სჷმეტეფი უღუდუ, ნამუეფით უკული აბრაგეფქ ქჷგახიის.
XVIII ოშწანურას, ჯიხაშ თელი მონწყილობა გორჩვეს. ბურბონეფიშ დინასტიაშ წჷმმარინაფალეფქ, მუში მარმარილოშ სჷმეტეფი დო ოსინთურიშ ჩარჩოეფი კაზერტიშ ომაფე დოხორეშ კიდანჯალას გაგმირინეს. თეშ უკული იჭყაფუ ჯიხაზურგაშ ხანგინძე მეტებაშ დო გოჭყოლადაშ პერიოდი. 1876 წანას, იტალიაშ თარობაქ თინა 25 000 დოლარშა ქიჸიდჷ დო 1928 წანაშე ორესტავრაციე სამუშეფქ ქჷდიჭყჷ.
თეჟამო, ნოგაფუ გმოსახილი რე 1 ევრო-ცენტამ იტალიურ მონეტას.
ქოძირით თაშნეშე
რედაქტირაფარესურსეფი ინტერნეტის
რედაქტირაფა- Paradoxplace Castel del Monte Photo Gallery Archived 2007-08-25 ვებ-ხასჷლას Wayback Machine.
- Tourist Information in English about Castel del Monte
- Photogallery of Castel del Monte Archived 2012-03-06 ვებ-ხასჷლას Wayback Machine.
