კვირკვეშ მონარქია
კვირკვეშ მონარქია (ფრანგ. Monarchie de Juillet), ოფიციალურო საფრანგეთიშ ომაფე — ლიბერალური, კონსტიტუციური მონარქია საფრანგეთის, ლუი-ფილიპ I-შ დუდალათ 1830-1848 წანეფს. კვირკვეშ მონარქიაქ დირსხუ 1830 წანაშ რევოლუციათ, მუჟამსჷთ ხვისტაშე გეგთარაგვეს ბურბონეფიშ ეკონია წჷმმარინაფალი შარლ X ბურბონი დო ახალი მაფათ გინირთჷ თიში ბიძისქუაქ, ორლეანიშ ჰერცოგიქ ლუი-ფილიპ I-ქ. კვირკვეშ მონარქიაშ მართუალაშ პერიოდიქ ითუ 1848 წანაშ რევოლუციათ დო მაჟირა რესპუბლიკაშ გოჭყაფათ. კვირკვეშ მონარქიას უმოსო დომინირენდჷ დინდარი ბურჟუაზია, ნამუთ მეთხოზუდჷ კონსერვატორული პოლიტიკას. დეპუტატეფიშ პალატას აქტიურენდჷ ჟირი ფრაქცია: მემარძგვანე-ცენტრისტული, ფრანსუა გიზოშ დუდალათ დო მეკვარჩხანე-ცენტრისტული ადოლფ ტიერიშ ხემანჯღვერობათ. გიზო მაფაშ პოლიტიკას იზიარებდჷ, მუჟამსჷთ ტიერი ოცადუდჷ მაფაშ როლიშ დოდაღარაფას. 1830-იანი წანეფი პოლიტიკური ვასტაბილური რდჷ. არდგილი უღუდჷ არყებეფს, მაფაშ ჸვილუაშ ცადებეფს, ლუი-ნაპოლეონი (ნაპოლეონ III) ოცადუდჷ ხეშუულებაშ ხეშა ეშაჸოთამას. 1840-იან წანეფს სიტუაციაქ ჭიეჭიეთ დესტაბილურჷ. პოლიტიკური გოლინა ფრანსუა გიზოქ მიპალუ. თიში ინიციატივათ დო ეკონომიკური რეფორმეფით, საფრანგეთიქ შანულამი წჷმიძინეფს მიოჭირინუ დო გევითარჷ ინდუსტრიაქ.
|
საფრანგეთიშ ომაფე | |||||||||
| |||||||||
|---|---|---|---|---|---|---|---|---|---|
| |||||||||
| ჰიმნი La Parisienne | |||||||||
 საფრანგეთიშ ომაფე 1839 წანას | |||||||||
| ნანანოღა | პარიზი | ||||||||
| ნინა | ფრანგული | ||||||||
| რელიგია | კათოლიციზმი, კალვინიზმი, ლუთერანობა, იუდაიზმი | ||||||||
| ფარაშ ართური | ფრანგული ფრანკი | ||||||||
| დუდალაშ ფორმა | უნიტარული საპარლამენტო კონსტიტუციური მონარქია | ||||||||
| მაფა | |||||||||
| - 1830-1848 | ლუი-ფილიპ I | ||||||||
| - 1848 | ლუი-ფილიპ II (პრეტენდენტი) | ||||||||
| მინისტრეფიშ სხუნუშ პრეზიდენტი | |||||||||
| - 1830 | ჟაკ ლაფიტი (მაართა) | ||||||||
| - 1848 | ფრანსუა გიზო (ეკონია) | ||||||||
.svg){kind=small}
.svg)
გალენურ პოლიტიკას, მაფა ლუი-ფილიპი ხეს უნწყჷნდჷ ბრიტანეთიწკჷმა დახოლებას დო აფინანსენდჷ ფრანგული კოლონიური პოლიტიკას. კვირკვეშ მონარქიაშ პერიოდის, საფრანგეთიქ ეფექტურო ქიდეკინჷ ალჟირი. 1848 წანაშო ევროპაშ ბრელი ქიანას იბურჯანდჷ რევოლუციური ჸარაფეფი. საფრანგეთის მაფაშ პოპულარობაქ ძალამს დედაღარჷ დო რევოლუციური პროცესეფიშ შედეგო ლუი-ფილიპის გინარნალქ აჸუ.
ლიტერატურა
რედაქტირაფა
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |