კიბუცი
კიბუცი (ური. קִבּוּץ; დუდმართ. קְבוּצָה, კვუცა — `ბუნა`) — ოფუტე-ომეურნე კომუნა ისრაელს, ნამუშო დჷმახასიათაფალი რე მეურნობაშ ართამი დორხველუა დო ხანდა-მოხვარებაშ წორწოობა. თენა რე კომუნალური წორორინაშ ფორმა, ნამუთ სოციალიზმის დო სიონიზმის აკმოკათჷნს.
კიბუციზმიქ დიჭყჷ, მუჭოთ უტოპიურ ცადებაქ, მარა ბორჯიშ გოძვენას უმოსო „მენცარული“ სოციალისტური მერინა ეითვისჷ. ასე, ოფუტეშ მეურნობა ნორთობურო გინოთირელი რე ეკონომიკაშ შხვა დარგეფით, თინეფს შქას ინდუსტრიული დო/ვარ-და მაღალტექნოლოგიური ოწარმეეფით. ისრაელიშ მახორობაშ დოხოლაფირო 5% კიბუცეფს ოხორანს. კანკალე კიბუცის თაშნეშე კიბუცნიკჷთ უჯოხონა (ური.: קִבּוּצְנִיק).
ართ-ართი საეგებიო მეჯინათ, ისრაელს კიბუცეფიშ დორსხუაფას ოკათუდჷ ქორთუ ივანე კოლელიშვილი, ნამუთ 1910-17 წანეფს რდჷ პალესტინას დო ნამუსჷთ საქორთუოს, ოფუტე გულგულას კომუნაშ დორსხუაფაშ გჷმოხადება უღუდჷ.[1]
სქოლიო
რედაქტირაფა- ↑ ხვადაგიანი ი. „ სოფელ გულგულას კომუნა“, კრებული „ინიციატივა ცვლილებებისთვის“ გვ. 31 — თბილისი, 2015, ISBN 978-9941-0-8204-7