კომო (ტობა)
კომო (იტალ. Lago di Como; ლათ. Larius Lacus) — ჯიშთური გორჩქინაშ ტობა იტალიას, ლომბარდიაშ რეგიონს. მუში ფართობი რე 146 კმ² დო რე იტალიაშ მასუმა ტობა გარდაშ დო ლაგო-მაჯორეშ უკული. სიტომბა რე 400 მ. დო რე ევროპაშ ართ-ართი არძაშე უმოსი ტომბა ტობა, მუში ქვინჯი ზუღაშ დონეშე დახე 200 მეტრათ გიმე იდვალუაფუ.
კომოშ ტობა დიო ხოლო რომაული ხანაშე პოპულარული დუდიშმითაფორაფალი რდჷ არისტოკრატეფიშ დო დიდებულეფიშ ფანიეფშო, ამდღარშო თინა ძალამი პოპულარული ტურისტული ცენტრი რე. მუში წყარპიჯეფიშ გოხოლუას ეგაფილი რე ბრელი ვილა დო დოხორე, ბრელ ჩინებულ ადამიერს თაქ უღუ ჸუდე. თენეფ შქას რენა: მეთიუ ბელამი, მადონა, ჯორჯ კლუნი, ჯანი ვერსაჩე, რონალდინიო, სილვესტერ სტალონე, რიჩარდ ბრენსონი დო ბენ სპიზი.
კომო მერჩქინელი რე იტალიაშ ართ-ართ უსქვამაშ ტობათ.
გეოგრაფია
რედაქტირაფა
ტობაშ მოჸონაფილობა (მოყვანილობა) "Y"-იშ ფორმას ღებულენს. ოორუე ნორთი ითებუ ნოღა კოლიკოწკჷმა. ტობაშ ობჟათე-ბჟადალ დო ობჟათე-ბჟაეიოლ ნოჸელეფწკჷმა იდვალუაფუნა ნოღეფი — კომო დო ლეკო.
ტობა უმოსო ირდუ ადაშ წყარით, ნამუთ ტობას აკათუ ნოღა კოლიკოწკჷმა დო უკახლე გუშმურს ნოღა ლეკოწკჷმა. თეცალი გეოლოგიური ფორმაშ გეშა, ობჟათე-ბჟადალი ნოჸელა ღურელი რე.
ტობაშ ელ-მოლს კლიმატი ლიბუ რე დო სქირონაშქაზუღურიშნერი რე, სოდეთ ტროპიკული დო სუბტროპიკული ჩანარეფი თელი წანაშ მალობას ირდუ. ტობაშ ჭყოლოფათ, ზოთონჯის გოხოლუაშ ტერიტორიეფს მაღალი ტემპერატურა რე. ოშქარული დღალური ტემპერატურა ქირსეთუთას რე 13 °C (55 °F), კვირკვეს - 30 °C (86 °F), კვირკვეს წყარიშ ტემპერატურა 24 °C (75 °F)-ს ოჭირინდუანს.
რესურსეფი ინტერნეტის
რედაქტირაფა- Ferry Services on Italian Lakes - Lake Como Archived 2009-02-01 ვებ-ხასჷლას Wayback Machine.
- Ferry-Go-Round Lake Como - VIDEO
- Lake Como at the Open Directory Project Archived 2011-10-30 ვებ-ხასჷლას Wayback Machine.
გალერეა
რედაქტირაფა
