ლაზიკა

ლაზიკა — ისტორიული აკანი ბჟადალ საქორთუოს. ფეოდალური ხანაშ ეგრისიშ ომაფეშ ართ-ართი პროვინცია. ფორუნდჷ ტერიტორიას წყარმალუ რიონიშ თუდონი მალობას დო წყარმალუ ჭოროხიშ აკაკათაფუშ შქას (გვიანდელი გურია, საჯავახო- საჩინოშ მეკოროცხილო დო უჩა ზუღაშ აჭარაშ ოძგაშე აკანი). მაართათ მიშინუაფუ VII ოშწანურას ანონიმური ავტორიშ „სომხური გეოგრაფიას“ („ლაზივიშ“ ჯოხოდვალათ )^{[ოხვილუ წყუშ მეწურაფას]}, ბიზანტიარი ავტორეფი ბჟადალ საქორთუოს ლაზიკაშ ომაფეს უძახჷნა. პროკოპი კესარიალიშ (VI ოშწანურა) მეჯინათ, თე ტერიტორია ედომუშამო ვა ჸოფე დოხორინელი, ოდო აგათია სქოლასტიკოსი (VI ოშწანურა) ლაზიკაშ ტერიტორიას მიშინუანს, მუჭოთ ჯიხაზურგას ტელეფისის (კილმაგორალეფი აიგივენა ასეიანი სამტრედიაშ მუნიციპალიტეტიშ ოფუტე ტოლების ჸოფილი ჯიხაშ აკნაცჷმეფწკჷმა). თაქინეშეს ჸოფე მიტროპოლია, ჭუბერიშ ჭკუდეფით ოვაჭრებელი აბანი. VI ოშწანურაშ II გვერდის ლაზიკას იკიდუ ჩინებული ჯიხა-ნოღა დო ჭყოინდარიშ ცენტრი პეტრა (ასეიანი ოფუტე ციხისძირი, ქობულეთიშ მუნიციპალიტეტი). VIII ოშწანურაშე ლაზიკაშ პროვინციაშ უდიდაში ნორთი გურიაშ ჯოხოთ მიშინუაფუ.

ლიტერატურა

ლომოური ნ., ეგრისის სამეფოს ისტორია, თბ., 1968;
ჯავახიშვილი ივ. თხზულებანი თორმეტ ტომად, ტ. 1, თბ., 1979;
მუსხელიშვილი დ., ქსე, ტ. 6, გვ. 106, თბ., 1983