ლიახვი, დიდი ლიახვიწყარმალუ კავკაციონიშ თარი წყარგჷმართალი ქჷნდჷრიშ ობჟათე კართეს. ოდუდე უღჷ ყელიშ ვულკანურ გვალონას. გჷთმიჭყაფუ წყარმალუეფიშ ყადლასანისწყალიშ დო დესკოხირდონიშ აკოკათუათ ზუღაშ დონეშე 2338 მ-ას. აკათუ წყარმალუ მტკვარს კვარჩხანშე ნოღა გორწკჷმა. სიგჷრძა წყარმალუ ყადლასანისწყალიშ ოდუდეშე 115 კმ, ღანჩოშ ფართობი 2440 კმ2. თარი ნადუეფი რე ერმანისწყალი, ჯომალისწყალი, გუდისიდონი, პატარა ლიახვი დო მეჯუდა.

ლიახვი
დოხასიათაფა
სიგჷრძა 115 კმ
ღანჩოშ ფართობი 2440 კმ²
წყარიშ ნადუ
ოდუდე კავკაციონიშ გვალეფი
ინაკათუ მტკვარი
ქიანეფი შილა: საქორთუო საქორთუო
ნოღეფი ცხინვალი, გორი

ლიახვიშ ოდუდეეფს რე 12 მორჩილი ჯიშთური, ნამუეფიშ ფართობი 5,5 კმ2 რე. ეთმიჯუმუაფუ თირიშ, ჭვემაშ, დიხაშთუდონი დო უგურყელური წყარით. წყარალა უჩქჷ მელახიშ ბოლოშე მარაშინათუთაშ დაჭყაფუშახ. წყარმარჩხობა — ზარხულ-დამორჩლს, ნამუსჷთ ჭვემეფით გჷშაჭანაფილი წყარმოლაფეფი აკმარღვანს. გერინელი წყარმარჩხობა რე ქირსეთუთაშე ფურთუთაშ ბოლოშახ. აფუნს დო ზარხულს მოურს წანური გჷმნაველიშ 76%, დამორჩილს — 16%, ზოთონჯის — 8%, ოშქაშე წანური ხარჯი ჯავაწკჷმა 20,3 მ3/წმ, წყარმალუ პატარა ლიახვიშ მიშაკათაფაშ უკული 47,3 მ3/წმ. ლიახვის ზოთონჯის პერიოდულო მიშეძირე ელაჸინილი, შალამა დო ცქვიფი. ირინუანა ოწყარალო. ლიახვიშე გოჸონაფილი რე კეხვიშ, ტირიფონიშ დო სალთვისიშ არხეფი. წყარანს 62 ვითოშ ჰა დიხას.

დიდ ლიახვის იდვალუაფუ თაშნეშე ნოღა ცხინვალი.

ლიტერატურა რედაქტირაფა