ლუდვიგ ერჰარდი
ლუდვიგ ვილჰელმ ერჰარდი (გერმ. Ludwig Wilhelm Erhard; დ. 4 ფურთუთა, 1897 — ღ. 5 მესი, 1977) — გერმანალი ეკონომისტი დო პოლიტიკოსი, გფრ-შ კანცლერი 1963-1966 წანეფს.
| ლუდვიგ ერჰარდი Ludwig Erhard | ||
 ერჰარდი 1964 წანას | ||
| გფრ-შ კანცლერი | ||
|---|---|---|
| პოსტის გერინაშ ბორჯი | ||
| 17 გჷმათუთა, 1963 – 30 გერგობათუთა, 1966 | ||
| პრეზიდენტი | ჰაინრიხ ლიუბკე | |
| წიმოხონი | კონრად ადენაუერი | |
| მონძე | კურტ გეორგ კიზინგერი | |
ქირსიან-დემოკრატიული რსხუშ ლიდერი | ||
| პოსტის გერინაშ ბორჯი | ||
| 23 მელახი, 1966 – 23 მესი, 1967 | ||
| წიმოხონი | კონრად ადენაუერი | |
| მონძე | კურტ გეორგ კიზინგერი | |
| პოსტის გერინაშ ბორჯი | ||
| 29 გჷმათუთა, 1957 – 15 გჷმათუთა, 1963 | ||
| კანცლერი | კონრად ადენაუერი | |
| წიმოხონი | ფრანც ბლიუხერი | |
| მონძე | ერიხ მენდე | |
| პოსტის გერინაშ ბორჯი | ||
| 20 ეკენია, 1949 – 15 გჷმათუთა, 1963 | ||
| კანცლერი | კონრად ადენაუერი | |
| წიმოხონი | პოსტიქ გიჭყჷ | |
| მონძე | კურტ შმიუკერი | |
| დუნაბადი | 4 ფურთუთა, 1897 ფიურთი, ბავარიაშ ომაფე, გერმანიაშ იმპერია | |
| ნაღურა | 5 მესი, 1977 (80 წანერი) ბონი, გფრ | |
| ნთხორუ აბანი | გმუნდ-ამ-ტეგერნზე | |
| პოლიტიკური პარტია | გერმანიაშ ქირსიან-დემოკრატიული რსხუ | |
| ალმასქუ | ლუიზა შუსტერი | |
| სქუალეფი | 1 | |
| გონათაფა | ფრანკფურტიშ გოეთეშ უნივერსიტეტი | |
| საქვარუა | ეკონომისტი, პოლიტიკოსი | |
| ხეშმოჭარუა |  | |
მაართა მოსოფელიშ ლჷმაშ უკულ, ერჰარდი გურაფულენდჷ ეკონომიკას. უკულ ქაკათჷ ეკონომიკური რკვიებეფიშ ინსტიტუტის. უკინებუდჷ შხვადოშხვა პოსტეფი. 1945-1946 წანეფს რდჷ ბავარიაშ ეკონომიკაშ მინისტრი. 1948-1949 წანეფს რდჷ ბრიტანეთ-ამერიკაშ ოკუპირაფილი ზონაშ ეკონომიკური სხუნუშ დირექტორი. 1949 წანაშ 20 ეკენიას, კონრად ადენაუერიშ კაბინეტის, ერჰარდიქ ქიდეკინჷ გფრ-შ ეკონომიკაშ მინისტრიშ პოსტი. მინისტრიშ პოსტის გერინაშ ბორჯის, თინა აქტიურო მეთხოზუდჷ ბაზარიშ სოციალური ეკონომიკაშ მოდელს, ნამუქჷთ შანულამი წჷმოძინეფი მოუღუ სახენწჷფოს. სოციო-ეკონომიკაშ ჸათე მოდელი აკმაართიანენს დუდიშული ბაზარიშ კაპიტალისტურ-ეკონომიკური სისტემას დო სოციალურო ორიენტირაფილი პოლიტიკას. ერჰარდიშ რეფორმეფიშ შედეგო უცფას გევითარჷ გერმანიაშ ეკონომიკაქ დო გერმანიაქ მიოჭირინუ ბიწორი რეკონსტრუქციას. ეკონომიკური გოვითარაფაშ ჸათე პერიოდი შინელი რე მუჭოთ "ეკონომიკური სანწუული" (გერმ. Wirtschaftswunder).
1957 წანას ერჰარდიქ გინირთჷ გფრ-შ ვიცე-კანცლერო. 1963 წანას თიქ კანცლერიშ პოსტის დოთირუ კონრად ადენაუერი. ერჰარდიშ კანცლერობაშ პერიოდი იხასიათებუდჷ ბიუჯეტიშ დეფიციტით დო მორჩილი რეცესიათ. რეცესიაშ პრობლემაშ გინაჭყვიდალო ერჰარდიქ ოგაფურეფს ქუმუძინჷ. ჸათე პოლიტიკაქ პოპულარულქ ვეჸუ. 1967 წანას ერჰარდიქ კანცლერიშ პოსტიშე გეგნოდირთჷ.