კონრად ადენაუერი

კონრად ჰერმან იოზეფ ადენაუერი (გერმ. Konrad Hermann Joseph Adenauer; დ. 5 ღურთუთა, 1876 — ღ. 19 პირელი, 1967) — გერმანალი პოლიტიკოსი დო სახენწჷფო მოღალე, გერმანიაშ ფედერაციული რესპუბლიკაშ მაართა კანცლერი 1949-1963 წანეფს. ადენაუერი რდჷ გერმანიაშ ქირსიან-დემოკრატიული რსხუშ (გქდრ) მაართა ლიდერი. ადენაუერიშ მართუალაშ ბორჯის ჸათე პარტიაქ გინირთჷ დომინანტური დო უნძალიერაში პარტიათ გერმანიას.

კონრად ადენაუერი Konrad Adenauer
ადენაუერი 1952 წანას
გფრ-შ კანცლერი
პოსტის გერინაშ ბორჯი
15 ეკენია, 1949 – 16 გჷმათუთა, 1963
პრეზიდენტი	თეოდორ ჰოისი ჰაინრიხ ლიუბკე
მონძე	ლუდვიგ ერჰარდი
გალენური საქვარეფიშ მინისტრი
პოსტის გერინაშ ბორჯი
15 მელახი, 1951 – 6 მანგი, 1955
კანცლერი	მუ
წიმოხონი	პოსტიქ გიჭყჷ
მონძე	ჰაინრიხ ფონ ბრენტანო
ქირსიან-დემოკრატიული რსხუშ ლიდერი
პოსტის გერინაშ ბორჯი
1 მელახი, 1946 – 23 მელახი, 1966
წიმოხონი	პოსტიქ გიჭყჷ
მონძე	ლუდვიგ ერჰარდი
დუნაბადი	5 ღურთუთა, 1876 კელნი, პრუსიაშ ომაფე, გერმანიაშ იმპერია
ნაღურა	19 პირელი, 1967 (91 წანერი) ბად-ჰონეფი, გფრ
ნთხორუ აბანი	ვალდფრიდჰოფი, ბად-ჰონეფი
პოლიტიკური პარტია	გერმანიაშ ცენტრისტული პარტია (1906-1933) გერმანიაშ ქირსიან-დემოკრატიული რსხუ (1945-1967)
მუმა	იოჰან კონრად ადენაუერი
ნანა	ჰელენა შარფენბერგი
ალმასქუ	1. ემა ვეიერი 2. ავგუსტა ცინსერი
სქუალეფი	8
გონათაფა	ფრაიბურგიშ უნივერსიტეტი მიუნხენიშ უნივერსიტეტი ბონიშ უნივერსიტეტი
ხეშმოჭარუა

გქდპ-შ დორსხუაფაშახ, ადენაუერი რდჷ ცენტრისტული პარტიაშ ართ-ართი შანულამი წჷმმარინაფალი. ვაიმარიშ რესპუბლიკაშ ბორჯის, მოღალენდჷ ნოღა კელნიშ მერო დო პრუსიაშ სახენწჷფო სხუნუშ დუდმახვენჯო. კანცლერიშ პოსტის გერინაშ პერიოდის, ოცადუდჷ გფრ-შ ეკონომიკური დო პოლიტიკური ჸოფირალაშ გაუჯგუშებას. ადენაუერიშ ლიდერობათ, გფრ-ქ გინირთჷ ევროპაშ ართ-ართი წჷმოძინელი ეკონომიკათ. მაჟირა მოსოფელიშ ლჷმათ მოჯალაგერი ქიანაქ, მიოჭირინუ შანულამი სტაბილურობას დო ფინანსური წჷმოძინას.

გალენური პოლიტიკას, ადენაუერქ გაახალჷ ურთიართა ააშ-წკჷმა, საფრანგეთიწკჷმა დო ბრიტანეთიწკჷმა. რდჷ ანტი-კომუნისტი დო ობაზარე ეკონომიკას გერსხილი ლიბერალური დემოკრატიაშ პროპონენტი. ადენაუერქ მიშეღჷ კაბეტი თია გფრ-შ აკოანჯარაფილი ნძალეფიშ (ბუნდესვერი) გოჭყაფაშა დო ფედერალური ოთოლორე ნინალაშ (BND) დორსხუაფაშა. ადენაუერი დიპლომატიურო ვაჩინებულენდჷ გდრ-ს დო ოდერი-ნისაშ ღოზის, ნამუქჷთ იფორმირჷ მუჭოთ ოფიციალური სანძღოქ გერმანიაშ დო პოლონეთიშ შქას, მაჟირა მოსოფელიშ ლჷმაშ უკულ. ადენაუერიშ მართუალაშ ბორჯის, გფრ-ქ ქაკათჷ ნატო-შ ოურდუმე ალიანსის. მუჭოთ ევროპული ინტეგრაციაშ მოხუჯექ, ადენაუერქ ხე მაჭარჷ რომიშ ხეკულუას, 1957 წანას. კონრად ადენაუერი მერჩქინელი რე ევროპაშ რსხუშ ართ-ართი დუმარსხუაფალო.

რესურსეფი ინტერნეტის

• ენციკლოპედიეფი ბრიტანიკა

ქოძირით თაშნეშე

• გერმანიაშ კანცლერეფიშ ერკებული