მაიკლ ჰეიდელბერგერი
მაიკლ ჰეიდელბერგერი (ინგლ. Michael Heidelberger; დ. 29 პირელი, 1888, ნიუ-იორკი, ააშ — ღ. 25 მანგი, 1991, ნიუ-იორკი, ააშ) — ამერიკალი იმუნოლოგი. ჰეიდელბერგერიქ დო ოსვალდ ევერიქ მენცარული რკვიებეფით, ოძირეს ნამდა პნევმოკოკეფიშ პოლისაქარიდეფი რენა ანტიგენეფი. ჸათე რკვიებას უკულ გიარსხუ თიშ ნტკიცებაქ ნამდა ანტირსხულეფი რენა ცილეფი.
| მაიკლ ჰეიდელბერგერი | |
| ინგლ. Michael Heidelberger | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მანგი 25, 1991 (103 წანერი) |
| ღურაშ აბანი: |
ნიუ-იორკი, ააშ |
| მენოღალობა: | |
| ომენცარე სფერო: | |
| სამუშაშ აბანი : |
როკფელერიშ უნივერსიტეტი |
| ალმა-მატერი: | |
| ომენცარე ხემანჯღვერი: |
მარსტონ ბოგერტი |
| ჯილდოეფი დო პრემიეფი: |
ლასკერიშ პრემია (1953) |
ბიოგრაფია რედაქტირაფა
მაიკლ ჰეიდელბერგერიქ დებადჷ 1888 წანაშ 29 პირელს, ნიუ-იორკის, ურიეფიშ ფანიას. გურაფულენდჷ კოლუმბიაშ უნივერსიტეტის, სოდეთ თხილუ ოდოქტორე დისერტაცია ორგანულ ქიმიას, 1911 წანას. გურაფაშ თებაშ უკულ ჰეიდელბერგერიქ ციურიხიშა მიდართჷ დო მუშენდჷ რიჩარდ ვილშტეტერიწკჷმა, ციურიხიშ ფედერალური ტექნოლოგიეფიშ ინსტიტუტიშ ლაბორატორიას. ამერიკაშა დორთინაშ უკულ მუშობა ქიდიჭყჷ როკფელერიშ უნივერსიტეტის, სოდეთ 1927 წანაშა იმუშუ. 1927 წანას ჰეიდელბერგერიქ ომუშებუშა გეგნორთჷ მაუნთ-სინაიშ ჰოსპიტალიშა, ქიმიური ლაბორატორიაშ დირექტორო. ართ წანაშ უკულ გეგნორთჷ კოლუმბიაშ უნივერსიტეტიშ ექიმეფიშ დო ქირურგეფიშ კოლეჯიშა. კოლუმბიაშ უნივერსიტეტის ჰეიდელბერგერიქ იმუშუ 1954 წანაშა. ართ პერიოდის ჰეიდელბერგერიქ იმუშუ რატგერსიშ უნივერსიტეტის დო ნიუ-იორკიშ უნივერსიტეტიშ მედიცინაშ სკოლას ხოლო. ჰეიდელბერგერი რდჷ შხვადოშხვა პრემიეფიშ დო ჯილდოეფიშ ლაურეატი. ჟირშა მიპალუ ალბერტ ლასკერიშ პრემია (1953, 1978). 1977 წანას კოლუმბიაშ უნივერსიტეტიქ ჰეიდელბერგერის გინოჩჷ ლუიზა გროს ჰორვიციშ პრემია. 1967 წანას ამერიკაშ პრეზიდენტიქ ლინდონ ჯონსონქ ჰეიდელბერგერის გინოჩჷ პრესტიჟული ჯილდო მენცარობაშ ერუანული მენდალი. მაიკლ ჰეიდელბერგერი რდჷ ამერიკაშ მენცარობეფიშ ერუანული აკადემიაშ დო ლონდონიშ ომაფე ჯარალუაშ მაკათური. ჰეიდელბერგერი რდჷ ამერიკაშ იმუნოლოგეფიშ ასოციაციაშ პრეზიდენტი ჟირშა, 1947 დო 1949 წანეფს. მაიკლ ჰეიდელბერგერი რდჷ 15 ომენცარე ინსტიტუტიშ დო უნივერსიტეტიშ საპატიო დოქტორი. ღურუ 1991 წანაშ 25 მანგის, 103 წანერქ, ნიუ-იორკის.
რესურსეფი ინტერნეტის რედაქტირაფა
- Eisen, H. N. Michael Heidelberger, Biographical Memoirs of the National Academy of Sciences
- Michael Heidelberger Papers (1901–1990) – National Library of Medicine
- The Michael Heidelberger Papers – Profiles in Science, National Library of Medicine