მაინი (წყარმალუ)
მაინი (გერმ. Main) წყარმალუ გერმანიას, რაინიშ მარძგვანი ნადუ.
| მაინი | |
|---|---|
წყარმალუ მაინი ნოღა ვიურცბურგის
| |
| დოხასიათაფა | |
| სიგჷრძა | 524.9 კმ |
| ღანჩოშ ფართობი | 27,208 კმ² |
| წყარიშ ნადუ | |
| ოდუდე | ჩე მაინიშ დო ჭითა მაინიშ აკოართაფაშ აბანი, ნოღა კულმბახიშ გოხოლუას |
| ინაკათუ | რაინი |
| წყარმალუშ სისტემა | რაინი → ოორუეშ ზუღა |
| ქიანეფი, რეგიონეფი დო ნოღეფი | |
| ქიანეფი |  გერმანია
|
| რეგიონეფი | ბავარია, ჰესენი, ბადენ-ვიურტემბერგი |
| ნოღეფი | მაინიშ ფრანკფურტი, მაინიშ ოფენბახი, ვიურცბურგი |
მაინი იჭყაფჷ ჩე მაინიშ დო ჭითა მაინიშ აკოართაფაშ აბანს, ნოღა კულმბახიშ გოხოლუას, ფრანკონიას. ჭითა მაინი ოდუდეს ეთმეჭოფუნს ფრანკონიაშ ალბის, გიშნურს კროისენს დო ბაიროითის. თიში სიგინძა დოხოლაფირო 50 კმ. რე. ჩე მაინი ოდუდეს ეთმეჭოფუნს ფიხტელგებირგეშ გვალეფს. თიში სიგინძა 41 კმ. რე.
წყარმალუ მაინი გმეურს ბავარიაშ, ჰესენიშ დო ბადენ-ვიურტემბერგიშ აკანეფიშ ტერიტორიეფს. 1992 წანაშე მაინი მერსხუაფილიე დუნაის, რაინი-მაინი-დუნაიშ არხით.
მაინი ინაკათუ რაინს ნოღა მაინიშ რიუსელსჰაიმიშ ხოლოს.
მაინიშ წყარპიჯის იდვალუაფჷ ნოღეფი: მაინიშ ფრანკფურტი, მაინიშ ოფენბახი დო ვიურცბურგი.
უდიდაშ ნადუეფი რე: რეგნიცი, ფრანკონიაშ ზალე, ტაუბერი დო ნიდა. მაინიშ სიგინძა 525 კმ. რე, ღანჩოშ ფართობიე 27,208 კმ².
ქოძირით თაშნეშე
რედაქტირაფარესურსეფი ინტერნეტის
რედაქტირაფა
- წყარმალუ მაინი ენციკლოპედია ბრიტანიკას
- Main River Archived 2013-06-02 ვებ-ხასჷლას Wayback Machine. Website on the River Main by the Tourist Board of Franconia.