მარგარეტ ბერბიჯი
ელინორ მარგარეტ ბერბიჯი (ინგლ. Eleanor Margaret Burbidge; დაბადებაშ გვარი - პიჩი, ინგლ. Peachey; დ. 12 მარაშინათუთა, 1919, სტოკპორტი, ინგლისი — ღ. 5 პირელი, 2020, სან-ფრანცისკო, კალიფორნია, ააშ) — ბრიტანალი-ამერიკალი ასტრონომი დო ასტროფიზიკოსი.
| მარგარეტ ბერბიჯი | |
| ინგლ. Margaret Burbidge | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
პირელი 5, 2020 (100 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
კალიფორნიაშ ტექნოლოგიაშ ინსტიტუტი |
| ალმა-მატერი: | |
| ჩინებული რე მუჭოთ: |
B²FH სტატიაშ ავტორი |
| ჯილდოეფი დო პრემიეფი: |
ჰელენ უორნერიშ პრემია (1959) |
.svg){kind=small}
ბიოგრაფია
რედაქტირაფამარგარეტ ბერბიჯი გურაფულენდჷ ლონდონიშ ოუნივერსიტეტე კოლეჯის, სოდეთ მიპალუ მენცარობაშ დოქტორიშ ხარისხი 1943 წანას. გურაფაშ თებაშ უკულ მუშენდჷ ლონდონიშ უნივერსიტეტიშ ობსერვატორიას, ჩიკაგოშ უნივერსიტეტიშ იერკსიშ ობსერვატორიას, კემბრიჯიშ უნივერსიტეტიშ კავენდიშიშ ლაბორატორიას, კალიფორნიაშ ტექნოლოგიაშ ინსტიტუტის დო კალიფორნიაშ უნივერსიტეტის (სან-დიეგო). 1950-იან წანეფს, მარგარეტ ბერბიჯი რდჷ მურიცხული ნუკლეოსინთეზიშ თეორიაშ ართ-ართი დუმარსხუაფალი დო შინელი მენცარული B²FH სტატიაშ მაართა ავტორი. 1960-1970-იან წანეფს ბერბიჯიქ გიმირკვიუ გალაქტიკეფიშ როტაციეფი, კვაზარეფი დო შხვა. 1973-1975 წანეფს ბერბიჯი რდჷ გრინვიჩიშ ომაფე ობსერვატორიაშ დირექტორი, 1976-1978 წანეფს რდჷ ამერიკაშ ასტრონომიული ჯარალუაშ პრეზიდენტი. 1979-1988 წანეფს ბერბიჯი მუშენდჷ კალიფორნიაშ უნივერსიტეტიშ (სან-დიეგო) ასტრონომიაშ დო კოსმოსური მენცარობეფიშ ცენტრიშ დირექტორო. მარგარეტ ბერბიჯი რდჷ შხვადოშხვა პრემიეფიშ დო ჯილდოეფიშ ლაურეატი. 1964 წანაშე რდჷ ლონდონიშ ომაფე ჯარალუაშ მაკათური. 1983 წანას გინოჩეს პრესტიჟული მენცარობაშ ერუანული მენდალი. 2005 წანას ასტრონომიაშ ომაფე ჯარალუაქ ბერბიჯის გინოჩჷ ორქოშ მენდალი. მარგარეტ ბერბიჯიშ ჯოხონობაშ რე ართი ასტეროიდი. ამერიკაშ ფიზიკაშ ჯარალუაქ დარსხუ მარგარეტ ბერბიჯიშ ჯოხონობაშ პრემია. მარგარეტ ბერბიჯიშ ქომონჯი რდჷ ინგლისარი ასტრონომი დო კალიფორნიაშ უნივერსიტეტიშ (სან-დიეგო) პროფესორი ჯეფრი ბერბიჯი.