მარკუს კრასუსი
მარკუს ლიცინიუს კრასუსი (ლათ. Marcus Licinius Crassus; დ. ჯვ. წ. 115 — ღ. ჯვ. წ. 53) — რომიშ სახენწჷფო დო ოურდუმე მოღალე. შინელი რდჷ მუჭოთ "რომიშ უდინდარაში ადამიერი".
| მარკუს ლიცინიუს კრასუსი | |
| ლათ. Marcus Licinius Crassus | |
 კრასუსიშ ბიუსტი | |
| მოღალობა |
პოლიტიკოსი, ოურდუმე მოღალე, კონსული (ჯვ.წ. 70, 55) |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| ღურაშ თარიღი | |
| ღურაშ აბანი | |
| მენოღალობა | |
| მუმა | |
| ნანა |
ვენულეია |
| ალმასქუ | |
| სქუალეფი | |
პოპულარობა მიპალუ ოურდუმე კარიერათ. ომენოღალე ლჷმეფიშ ბორჯის ალურდჷ სულას. სულაშ დიქტატურაშ ბორჯის მიოჭირინუ პოლიტიკური წჷმოძინეფს. ჯვ. წ. 73 წანას გიშაგორილქ იჸუ პრეტორო. ჯვ. წ. 72-71 წანეფს დამარცხჷ სპარტაკიშ არჸება.
მარკუს კრასუსი რდჷ იულიუს კეისარიშ პოლიტიკური დო ფინანსური პროტექტორი. თიქ, კეისარი დო გნეუს პომპეუსიწკჷმა ართო აფორმირჷ ვაოფიციალური პოლიტიკური ალიანსი მაართა ტრიუმვირატი. ტრიუმვირატიშ მაკათურეფი დომინირენდეს რომიშ პოლიტიკას, მარა თინეფიშ ალიანსი ბრელ ხანს ვაგაგინძორებე. კეისარი დო კრასუსი რდეს ართიანიშ ალმარენჯეეფი დო მაჸალეეფი, მუჟამსჷთ კრასუსი დო პომპეუსი რდეს ართიანიშ ოპონენტეფი დო ართიანწკჷმა ვაუღუდეს ჯგირი ურთიართალა. ჯვ. წ. 56 წანაშ ლუკაშ აპიჯალათ ალიანსიქ კინ გენძალიერჷ. პომპეუსიქ დო კრასუსიქ, ჯვ. წ. 55 წანას კინ გინირთეს კონსულეფო. კონსულობაშ უკულ, კრასუსი ქუდარინეს რომიშ პროვინცია სირიაშ მამართალო. კრასუსიქ სირიაშე წიმიჭყჷ ოურდუმე კამპანია პართიაშ მეხჷ. ჯვ. წ. 53 წანას კარეშ ლჷმას პართიალეფქ მოჯალაგეს რომიშ ლეგიონეფი. ლჷმას დოჸვილეს კრასუსი დო თიში სქუა პუბლიუსი.
კრასუსიშ ღურაშ უკულ, კეისარიშ დო პომპეუსიშ ალიანსიქ აკოცუ. კრასუსიშ ღურაშე ოთხი წანაშ უკულ კეისარქ რუბიკონი გეგნოკვათუ დო ქიდიჭყჷ ომენოღალე ლჷმა პომპეუსიშ დო ოპტიმატეფიშ მეხჷ.
ლიტერატურა
რედაქტირაფა- Ward, Allen Mason: Marcus Crassus and the Late Roman Republic (University of Missouri Press, 1977)
- Sampson, Gareth C: The defeat of Rome: Crassus, Carrhae & the invasion of the east (Pen & Sword Books, 2008)