მაუნთ-ვილსონიშ ობსერვატორია

მაუნთ-ვილსონიშ ობსერვატორია (ინგლ. Mount Wilson Observatory) — ასტრონომიული ობსერვატორია ააშს, კალიფორნიაშ შტატიშ ლოს-ანჯელესიშ ოლქის. ობსერვატორია იდვალუაფჷ ვილსონიშ გვალას, ზუღაშ დონეშე 1,742 მეტრაშ სიმაღალას, ნოღა პასადინაშ გოხოლუას, ლოს-ანჯელესიშ ოორუე-ბჟაეიოლიშე.

მაუნთ-ვილსონიშ ობსერვატორია ოპერირენს ჟირ ისტორიულ, შანულამ ტელესკოპის:

100 ინჩიანი (2.5 მ.) ჰუკერიშ ტელესკოპის, ნამუთ უდიდაში აპერტურამი ტელესკოპი რდჷ მოსოფელიშ მასშტაბით, 1917-1949 წანეფს.
60 ინჩიანი ტელესკოპი, ნამუთ მოსოფელიშ ართ-ართი უდიდაში ტელესკოპი რდჷ თიში ეგაფაშ ბორჯის, 1908 წანას.

თაშნეშე, ობსერვატორია ოპერირენს შხვა ტელესკოპეფს ხოლო. მაუნთ-ვილსონს იდვალუაფჷ ოპტიკური ინტერფერომეტრი CHARA ხოლო, ნამუთ ოპერირებადი 2004 წანაშე რე.

მაუნთ-ვილსონიშ ობსერვატორიაშ ისტორია იჭყაფჷ 1880-იან წანეფს. ობჟათე კალიფორნიაშ უნივერსიტეტიშ ართ-ართ დუმარსხუაფალს ედვარდ სპენსის ოკოდჷ ვილსონიშ გვალას ტელესკოპეფიშ დაპროექტება, მარა თე პროექტიქ ვედეცალჷ დო დოღურჷ 1892 წანას. ობსერვატორიაშ დორსხუაფაშ ინიციატივა უკულ იდუდუ გიშარჩქინელ ამერიკალ ასტრონომქ ჯორჯ ელერი ჰეილიქ. დაჭყაფუშე ობსერვატორიას აფინანსენდჷ დო ასეშახ ოპერირენს კარნეგიშ მენცარობაშ ინსტიტუტი.

რესურსეფი ინტერნეტის

ოფიციალური ვებსაიტი
- The 100-inch Hooker Telescope
- 150-Foot Solar Tower Webcam Image
CHARA
The ISI Array
Mount Wilson Observatory Clear Sky Clock
Letters to the MWO, 1915-1935
Image of the sixty inch telescope at the Mount Wilson Observatory, 1920-1939. Los Angeles Times Photographic Archive (Collection 1429). UCLA Library Special Collections, Charles E. Young Research Library, University of California, Los Angeles.