მეჰმედ II
მეჰმედ II ფათიჰი (დ. 30 მელახი, 1432 — ღ. 3 მესი, 1481) — ოსმალეთიშ სულთანი 1444-1446 დო 1451-1481 წანეფს, ოსმანეფიშ დინასტიაშ წჷმმარინაფალი. მაართა მართუალაშ ბორჯის მეჰმედიქ დამარცხჷ უნგრალეფიშ ლესქერობა, ნამუსჷთ იანოშ ჰუნიადი ხემანჯღვერენდჷ. მაჟირაშა მეჰმედიქ ხვისტაშა ეშართჷ 1451 წანას. მაჟირა მართუალაშ პერიოდის თიქ განძალიერჷ ოსმალეფიშ ფლოტი დო დიჭყჷ ხაზირუა კონსტანტინოპოლიშ ეჭოფუაშო. 1453 წანაშ 29 მესის ოსმალეფქ მეჰმედ II-შ ხემანჯღვერობათ კონსტანტინოპოლი გეჭოფეს. კონსტანტინოპოლიშ დაკინებაშ დო ბიზანტიაშ იმპერიაშ დონთხაფაშ უკულ, მეჰმედიქ დუდი გეგმაცხადჷ რომიშ კეისარო.
| მეჰმედ II محمد ثانى | ||
 მეჰმედ II-შ პორტრეტი. ჯენტილე ბელინიშ ნახანტა | ||
| ოსმალეთიშ სულთანი | ||
|---|---|---|
| პოსტის გერინაშ ბორჯი | ||
| მარაშინათუთა, 1444 – ეკენია, 1446 | ||
| წიმოხონი | მურად II | |
| მონძე | მურად II | |
| პოსტის გერინაშ ბორჯი | ||
| 3 ფურთუთა, 1451 – 3 მესი, 1481 | ||
| წიმოხონი | მურად II | |
| მონძე | ბაიაზიდ II | |
| დუნაბადი | 30 მელახი, 1432 ედირნე, ოსმალეთიშ იმპერია | |
| ნაღურა | 3 მესი, 1481 (49 წანერი) გებზეშ გოხოლუას, ოსმალეთიშ იმპერია | |
| ნთხორუ აბანი | ფათიჰიშ მეჩეთი, სტამბოლი, თურქეთი | |
| მუმა | მურად II | |
| ნანა | ჰიუმა ხათუნი | |
| ალმასქუ | ემინე გიულბაჰარ ხათუნი გიულშაჰ ხათუნი სითი მიუქრიმე ხათუნი ჩიჩეკ ხათუნი ანა ხათუნი ჰელენა ხათუნი მარია ხათუნი ჰათიჯე ხათუნი | |
| სქუალეფი | ბაიაზიდ II, შეჰზადე მუსტაფა, შეჰზადე ჯემი, შეჰზადე ნურედინი, გევჰერჰან ხათუნი, აიშე ხათუნი, ქამერჰან ხათუნი, ფიულანე ხათუნი | |
| რელიგია | სუნიზმი | |
| ხეშმოჭარუა |  | |
მეჰმედიქ გაგინძორჷ ექსპანსიური პოლიტიკა ანატოლიას დო ობჟათე-ბჟაეიოლი ევროპას. 1459 წანას ოსმალეთიშ აკოდგინალუაშა მიშელჷ სერბეთიქ, 1460 წანას ოსმალეფქ ქიდეკინეს მორეა, 1461 წანას ტრაპიზონიშ იმპერია, 1463 წანას ბოსნია, 1471 წანაშ კოკი ევბეა, 1479 წანას ალბანეთი დო 1475 წანას ყირიმიშ სახანო. მეჰმედიქ ატარჷ პოლიტიკური დო ოურდუმე რეფორმეფი, ალურდჷ ხელუანობეფს დო მენცარობეფს, გაახალჷ კონსტანტინოპოლი, ხემანჯღვერენდჷ შხვადოშხვა პროექტეფს დო შხვა. მეჰმედ II მერჩქინელი რე თეხანური თურქეთიშ დო ისლამური ოქიანუშ შანულამი გერგეზო. თის ფშხირას მიშინუანა მუჭოთ ფათიჰი-ს, ნამუთ დუმაჸუნაფალს (ქორთ. დამპყრობელი) შანენს. მეჰმედი II-შ ჯოხონობაშ რე სტამბოლიშ რაიონი ფათიჰი, ხინჯი სტამბოლს დო სტამბოლიშ ართ-ართი მეჩეთი.
ლიტერატურა
რედაქტირაფა
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |