მოროხიშ პრინცესა
მოროხიშ პრინცესა (ინგლ. A Princess of Mars) — ედგარ რაის ბეროუზიშ ომენცარე-ფანტასტიკური რომანი. რომანქ გიშართჷ 1912 წანაშ ფურთუთა-კვირკვეშ პერიოდეფს, ბულვარულ ჟურნალს "All-Story Magazine". რომანი ბეროუზიშ ბარსუმიშ სერიაშ მაართა წინგი რე დო თინა ორხველჷ ომენცარე ფანტასტიკაშ სუბჟანრის პლანეტარული რომანტიკას. წინგი იკათუანს ვესტერნიშ ჟანრიშ მოტივეფს ხოლო. პლანეტა მოროხიშ მენცარული კონცეფციეფი გერსხილი რე ამერიკალი ასტრონომიშ პერსივალ ლოუელიშ პოპულარულ იდეეფს.
| მოროხიშ პრინცესა | |
| A Princess of Mars | |
 წინგიშ გალენ კაბრაშ დიზაინი (1917 წანა) | |
| ავტორი | |
|---|---|
| ილუსტრატორი | |
| ქიანა | |
| ნინა | |
| სერია | |
| ჟანრი | |
| გჷშმაშქუმალარი | |
| გჷშაშქუმალაშ თარიღი | |
| გეჸვენჯი | |
ბეროუზიშ ბარსუმიშ სერიეფქ დიდი გოლინა იღვენუ მაეჩა ოშწანურაშ ომენცარე ფანტასტიკაშ ავტორეფიშ ჯეკ ვენსიშ, რეი ბრედბერიშ, ართურ ჩარლზ კლარკიშ, რობერტ ჰაინლაინიშ დო ჯონ ნორმანიშ ლიტერატურულ კარიერაშა. ბარსუმიშ სერიეფქ გინირთჷ ინსპირაციათ ამერიკალი ასტრონომი დო ასტროფიზიკოსი კარლ სეიგანიშო ხოლო.
სიუჟეტი
რედაქტირაფაამერიკაშ ომენოღალე ლჷმაშ ვეტერანი ჯონ კარტერი არიზონაშ შტატის გეოლოგიურ რკვიებეფს ატარენს. ართ-ართი ჸათეცალი რკვიებეფიშ ბორჯის თის აპაჩეფი გამათხოზუნა. ჯონი ართი ფოქვას დოგორუნს დო თექ ქიმთიტყობუ. ჸათავრეშე თის პლანეტა მოროხიშ მახორუეფი მუნეფიშ პლანეტაშა გეგნიჸონანა. მუნეფიშ პლანეტას თინეფი ბარსუმს უძახჷნა. მოროხიშ ჭიჭე გრავიტაციაშ დო ჭიჭე ატმოსფერული წნევაშ გეშა, ჯონი თე პლანეტას ქვერსემ ნძალიერ ადამიერო გინირთუ. პლანეტას შარალუაშ ბორჯის ჯონი ქეშეხვადუ ამშვ-ხედოკუჩხამ დო წვანეკანამ მოროხალეფს, ნამუეფსჷთ თარკეფს უძახჷნა. ჯონი გეჩინებაფუნს დო დეჯიმალებჷ თარკეფიშ ტომიშ ლიდერს ტარს თარკასის.
ტარს თარკასი ოჭოფუნს დეია ტორისის, ნამუთ ჰელიუმიშ პრინცესა რე დო ორხველჷ ჭითა მოროხალეფიშ ჰუმანოიდურ რასას. ჭითა მოროხალეფი ოხორანა პლანეტა ბარსუმიშ ნოღა-სახენწჷფოეფს დო აკონტროლენა პლანეტაშ ტიოზიშ არხეფს დო ოფუტეშ მეურნობას. ჯონ კარტერი დეია ტორისის წვანე კოჩეფიშე დერსხენს დო ოცადჷ თიში მუში ტომიშა დორთინას.
ჸათე პერიოდეფიშე ჯონ კარტერი ჭითა დო წვანე მოროხალეფიშ პოლიტიკური დო ოურდუმე ურთიართობაშ ეპიცენტრის რე. უკულ, ჯონის დეია ქეოროფებჷ, გინირთუ ჰელიუმიშ პრინცო დო დეიაწკჷმა ცხოვრენას ქიდიჭყანს. ჯონი დო დეია ართო ჩხორო წანას რენა. ჩხორო წანაშ უკულ, ატმოსფერული დგჷმილი ნამუთ პლანეტას ჰაერით ამარაგენს, გილელებჷ. ჯონი, ნამუსჷთ ბარსუმიშ მახორუეფიშ გინოტება ოკო, ართ-ართი ინჟინერიწკჷმა ართო, დგჷმილიშა მინილენს სპეციალური კოდიშ გიმორინაფათ დო დგჷმილიშ ატმოსფერული ფუნქციაშ კინ ამუშებას ოცადუ. ჸათე ბორჯის ჯონის გური წაულენს ასპიქსიაშ გეშა დო პლანეტა დიხაუჩას რენ თეშ გოკურცხუ.
რესურსეფი ინტერნეტის
რედაქტირაფა- მოროხიშ პრინცესა Standard Ebooks-ის
- ბარსუმიშ წინგეფიშ სერია Standard Ebooks-ის
- Text of the novel at Project Gutenberg
- The Official Princess of Mars site from Edgar Rice Burroughs, Inc.
- ERBzine.com Illustrated Bibliography: A Princess of Mars
- Edgar Rice Burroughs Summary Project page for A Princess of Mars