ნაბოპალასარი
ნაბოპალასარი (აქად. 𒀭𒉺𒀀𒉽, ნაბუ-აპლა-უცური - "ნაბუ, დოთხილე სქუა"; დ. დოხოლაფირო ჯვ. წ. 658 — ღ. ჯვ. წ. 605) — ახალი ბაბილონიშ ომაფეშ დუმარსხუაფალი დო მაართა მაფა ჯვ. წ. 626-605 წანეფს.
| ნაბოპალასარი 𒀭𒉺𒀀𒉽 | ||
| ახალი ბაბილონიშ იმპერიაშ მაფა | ||
|---|---|---|
| პოსტის გერინაშ ბორჯი | ||
| ჯვ. წ. 626 – ჯვ. წ. 605 | ||
| წიმოხონი | სინშარიშკუნი (ნეო-ასურული იმპერია) | |
| მონძე | ნაბუქოდონოსორ II | |
| დუნაბადი | ჯვ. წ. 658 ურუქი (?) | |
| ნაღურა | ჯვ. წ. 605 (53 წანერი) ბაბილონი | |
| მუმა | ქუდურუ (?) | |
| სქუალეფი | ნაბუქოდონოსორ II ნაბუ-შუმ-ლიშირი ნაბუ-ზერ-უშაბში | |
ნაბოპალასარი ქალდეარი რდჷ. თის შანულამი პოლიტიკური გოლინა უღუდჷ ნოღა ურუქის. თიქ ქისარგებლჷ ოხვილური მომენტით დო ეარყჷ ნეო-ასურული იმპერიაშ მაფა სინშარიშკუნიშ მეხჷ. ნაბოპალასარი ლჷმედჷ ბაბილონეთიშ ზოხორინელობაშო დო დუდშულობაშო. ჸათე ლჷმას თის ხუჯი დუკინჷ მიდიაშ მაფა კიაქსარიქ. ჯვ. წ. 614 წანას მიდიარეფქ გორჩვეს აშური - ასურეთიშ რელიგიური დო ცერემონიული ცენტრი. ჯვ. წ. 612 წანას მიდიარეფიშ დო ბაბილონარეფიშ გოართოიანაფილი აკოანჯარაფილი ნძალეფქ გეჭოფეს დო კონწარო გორჩვეს ნინევია. ნოღაშ მახორუეფი გოჭყვიდეს, ვართ ბაღანეფი დენდეს დო ნოღა დუდშე ბოლოშა გეგნოჭვეს. უკულ მორსხუეეფქ ოურდუმე კამპანია გაგინძორეს დო ქიდეკინეს ასურეთიშ შხვა შანულამი ნოღეფი. ნინევიაცალი ბედიქ აჭარჷ ქალხუს ხოლო. შედეგო ასურეთიშ იმპერიაქ მიჯალაგ დო თიში ჸოფაქ მეჭყორდჷ.
უკულიანი პერიოდის, ახალი ბაბილონიშ ომაფეშ ამბიციეფს აწურდჷ ეგვიპტეშ ფარაონი ნეხო II, ნამუთ ასურალეფიშ მოხვარას ოცადუდჷ დო ბაბილონარეფს ოლიმუდჷ. მარა ჯვ. წ. 605 წანას, ქარხემიშიშ ბურჯაფის, ბაბილონარეფქ დამარცხეს ეგვიპტარეფი დო ასურალეფი. თე წანას დოღურჷ ნაბოპალასარქ დო თინა დოთირუ მუში სქუაქ ნაბუქოდონოსორ IIქ.