ნეკარი

ნეკარი (გერმ. Neckar) — წყარმალუ ობჟათე-ბჟადალ გერმანიას. მეურს ბადენ-ვიურტემბერგიშ აკანს. სიგჷრძა 367 კმ, ღანჩოშ ფართობი 14,000 კმ². წყარმალუ რაინიშ ართ-ართი არძაშე თარი მარძგვანი ნადუ. ოდუდე უღჷ შვარცვალდიშ დო შვაბიაშ ალბიშ კართეეფს, ზუღაშ დონეშე 706 მ სიმაღალას. უმეტაშო მეურს ინწრო, აკან-აკანო კანიონიშობურ ლეხერს. უღჷ ოორუული დო ოორუე-ბჟაეიოლური გეზი. ნოღა პლოხინგენწკჷმა მოღჷრკუ დო გინმურს ნოღა შტუტგარტის. უკული მეურს ოორუული გეზით, თაქ ლეხერი უმოს ფართო დო ტომბა რე. წყარპიჯეფს ფეოდალური ჯიხაზურგა რე. ნძალიერო მეანდრირაფილიე. კონწარ ზოთონჯს იჸინუ. წყარმალუ რაინს აკათუ ნოღა მანჰაიმიშ გოხოლუას, ზუღაშ დონეშე 95 მ სიმაღალას. წყარპიჯეფი მეჭედას რე დოხორელი, ონიშოლიე 200 კილომეტრშახ. წყარიშ ოშქაშე 145 მ³/მრ.

ნეკარი
დოხასიათაფა
სიგჷრძა	367 კმ
ღანჩოშ ფართობი	14 000 კმ²
წყარიშ ნადუ
ოდუდე	შვარცვალდი
• კოორდინატეფი	48.045,8.52805648°02′42″ ოორ. გ. 8°31′41″ ელ. გ.
ინაკათუ	რაინი
ქიანეფი	გერმანია  ნიდერლანდეფი
ნოღეფი	შტუტგარტი მანჰაიმი ჰაიდელბერგი

ჯოხოდვალა „ნეკარი“ კელტური წჷმორჩქინაშიე დო ეშანჷნს „ველურ წყარს“. დიო ხოლო II ოშწანურას იშინუაფჷ Nicretes-იშ სახეთ.

რესურსეფი ინტერნეტის

• ნეკარი – ენციკლოპედია ბრიტანიკა (ინგლისური)