ნენეფი (ნენ. ненэй ненэч (ზიტყვაზიტყვათ — „ნანდული ადამიერი“), хасово, нещанг; მოჯვეშაფილი ჯოხო — самоеды, юраки)[1] — სამოედური კათა, ნამუეფჷთ ოხორანა ოორუე ჸინუამი ოკიანეშ წყარპიჯეფშე ტაიმირიშ ჩქონშახ. ჩქ. წ. პირველ ვითოშწანურას ცჷნდჷრიშ ტერიტორიაშე თეხანურ ხორუაშ არანშა მიგრაციათ გეგნორთეს.

ნენი ბაღანა

რუსეთიშ ოორუეშ ჯინჯიერი მახორობაშე ნენეფი არძაშე ანდამჯდანობაშ რენა. 2010 წანაშ ეჭარუათ, რუსეთის ოხორანს 45 000 ნენი, ნამუეფშე 29 772 ოხორანს იამალ-ნენეფიშ ავტონომიურ ოკრუგის.

ტრადიციულო ნენეფი მეერემალას მეჸუნა. იამალიშ ჩქონს ვითიშობათ ნენი ერემს დჷთმიჭყანუანს, ნამუეფიშ ართამი მუდანობა 500 000 ერემშე უმოსი რე. ნენეფიშ უმენტაშალა გეგია რინას მეთხოზჷ.

რუსეთიშ ჟირი ავტონომიური რეგიონიშ ჯოხოს იშინუაფუ ნენეფი, მუჭოთ თარი მახორობა (ნენეფიშ დო იამალ-ნენეფიშ ავტონომიური ოკრუგეფი).

რე ნენეფიშ ჟირი ტომი — ტუნდრული დო ტყაში. ნენეფიშ უმენტაშალა ტუნდრალი რე. თინეფი ოხორანა ჟირ ავტონომიურ რეგიონს. ტყაშ ნენეციშ მუდანობა რე 1500 ადამიერი.

სქოლიორედაქტირაფა

  1. ქსე (ტ. VII, გვ. 378) „ნენები“