ოქტავიო პასი
ოქტავიო პას ლოსანო (ესპ. Octavio Paz Lozano; დ. 31 მელახი, 1914, მეხიკო, მექსიკა — ღ. 19 პირელი, 1988, მეხიკო, მექსიკა) — მექსიკარი პოეტი, ჭარუ დო დიპლომატი, ნობელიშ პრემიაშ ლაურეატი ლიტერატურაშ დარგის 1990 წანას.
| ოქტავიო პასი ესპ. Octavio Paz | |
 ოქტავიო პასი 1988 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
პირელი 19, 1998 (84 წანერი) |
| ღურაშ აბანი: |
მეხიკო, მექსიკა |
| ერუანობა: | |
| საქვარუა: | |
| პერიოდი : |
1931–1965 |
| ჟანრი: |
პოეზია |
| ნინა: | |
| ჯილდოეფი: |
ხავიერ ვილიაურუტიაშ პრემია (1956) |
ოქტავიო პასიქ დებადჷ მეხიკოს. თიშ მუმა შინელი მექსიკარი რევოლუციონერიშ ემილიანო საპატაშ მაჸალე რდჷ. მექსიკაშ რევოლუციაშ უკულ პასეფიშ ფანიაქ ოცხოვრებშა ლოს-ანჯელესიშა მიდართჷ. ჭიჭე ხანიშ უკულ კინ მექსიკაშა დირთეს. ოქტავიო პასიქ ლიტერატურათ ბაღანობაშე დეინტერესჷ. 1920-იან წანეფს დაინტერესებული რდჷ ესპანარი პოეტეფიშ: ხერარდო დიეგოშ, ხუან რამონ ხიმენესიშ დო ანტონიო მაჩადოშ პოეზიათ. ჸათე პოეტეფიშ ნახანდეფს დიდი გოლინა უღუდჷ ოქტავიო პასიშ ლიტერატურულ კარიერაშო უკულიან წანეფს. პასიქ მაართა პოეტური კრებული 1930-იან წანეფს გჷმაბჟინუ. 1933 წანას გიშართჷ პასიშ პოეტურ კრებულქ "ტყარი თუთა".
ოქტავიო პასი გურაფულენდჷ მეხიკოშ ერუანულ უნივერსიტეტის. სტუდენტობაშ პერიოდის პაბლო ნერუდაშ პოეზიათ რდჷ დაინტერესებული. 1936 წანას პასიქ უნივერსიტეტის გურაფა მიოტუ დო ნოღა მერიდაშ ართ-ართ სკოლას ქიდიჭყჷ მუშობა. სკოლას უმოსო გლეხეფიშ დო მუშეფიშ ბაღანეფი გურაფულენდეს. სკოლაშ მუშობაშ ბორჯის დიჭყჷ პასიქ მუში ართ-ართი ამბიციური პოემაშ, "ქუა დო პეულეფიშ შქას" ჭარუა.
ოქტავიო პასი 1937 წანას მონაწილენდჷ ჭარუეფიშ საირქიანო კონგრესის. კონგრესი იმანჯებუდჷ ვალენსიას, ბარსელონას დო მადრიდის. კონგრესიშ თარი თემა რდჷ ინტელექტუალეფიშ პოზიცია ესპანეთიშ ომენოღალე ლჷმაშ ბორჯის. კონგრესიშ მაკათურეფი რდეს გიშარჩქინელი ავტორეფი: ანდრე მალრო, ერნესტ ჰემინგუეი, პაბლო ნერუდა, სტივენ სპენდერი დო შხვეფი. მექსიკაშა დორთინაშ უკული, პასიქ დარსხუ ლიტერატურული ჟურნალი Taller, სოდეთ 1941 წანაშა ქომუშენდჷ. 1943 წანას პასიქ მიპალუ გუგენჰაიმიშ სტიპენდია დო ოგურაფუშა კალიფორნიაშ უნივერსიტეტიშა მიდართჷ. ჟირ წანაშ უკულ პასიქ დიპლომატიური კარიერა ქიდიჭყჷ. დიპლომატიური მისიეფით რდჷ ნიუ-იორკის, პარიზის, ინდოეთის, ტოკიოს, ჟენევას. მექსიკაშა 1954 წანას დირთჷ. მექსიკას, 1957 წანას პასიქ ჭარუ თიშ არძაშე უმოსო შინელი პოემა "ბჟაშ ქუა". 1959 წანას პასიქ კინ საფრანგეთიშა მიდართჷ დო დიპლომატიურ კარიერას დართჷ. 1962 წანაშე რდჷ მექსიკაშ ელჩი ინდოეთის. მექსიკაშა 1968 წანას დირთჷ დო დიპლომატიური კარიერა ხოლო გათუ. 1969-1970 წანეფს პასი მუშენდჷ კემბრიჯიშ უნივერსიტეტიშ პროფესორო დო 1972-1974 წანეფს კორნელიშ უნივერსიტეტის. ართ პერიოდის ლექციეფს კითხულენდჷ ჰარვარდიშ უნივერსიტეტის ხოლო. 1975 წანას ოქტავიო პასიქ დარსხუ ლიტერატურული ჟურნალი "Vuelta", ნამუშ რედაქტორი ღურაშახ რდჷ. პასიშ ღურაშ უკულ ჟურნალქ დიკილჷ. ოქტავიო პასიქ ღურუ კიბოთ 1998 წანაშ 19 პირელს, 84 წანერქ.
ოქტავიო პასიშ ნაჭარეფი ორხველუდჷ უმოსო სიურრეალიზმიშ დო ეგზისტენციალიზმიშ ლიტერატურულ ჸარაფეფს. პასი რე ავტორი შხვადოშხვა ლერსეფიშ, პოემეფიშ, ესსეეფიშ, ანთოლოგიური კრებულეფიშ დო ნათანგეფიშ. პასი რდჷ ნობელიშ პრემიაშ, იერუსალიმიშ პრემიაშ, სერვანტესიშ პრემიაშ, ნეიშტადტიშ საირქიანო ლიტერატურული პრემიაშ დო შხვა ჯილდოეფიშ ლაურეატი.
პოეტური კრებულეფი
რედაქტირაფა- 1933: Luna silvestre
- 1936: No pasarán!
- 1937: Raíz del hombre
- 1937: Bajo tu clara sombra y otros poemas sobre España
- 1941: Entre la piedra y la flor
- 1942: A la orilla del mundo, compilation
- 1949: Libertad bajo palabra
- 1950: El laberinto de la soledad
- 1954: Semillas para un himno
- 1957: Piedra de Sol
- 1958: La estación violenta
- 1962: Salamandra (1958–1961)
- 1965: Viento entero
- 1967: Blanco
- 1968: Discos visuales
- 1969: Ladera Este (1962–1968)
- 1969: La centena (1935–1968)
- 1971: Topoemas
- 1972: Renga
- 1974: El mono gramático
- 1975: Pasado en claro
- 1976: Vuelta
- 1979: Hijos del aire
- 1979: Poemas (1935–1975)
- 1985: Prueba del nueve
- 1987: Árbol adentro (1976–1987)
- 1989: El fuego de cada día
