პენინიშ გვალეფი

პენინიშ გვალეფი (ინგლ. Pennines) — გვალეფი დიდი ბრიტანეთიშ კოკის. სიგჷრძა დოხოლაფირო 250 კმ, სიმაღალა 893 მ-შახ (გვალა კროს-ფელი). უთარაშო ეგაფილიე კირქუალეფით დო ქვიშაქუალეფით. კუნწული პლატოშობურიე, ბჟადალი კართეეფი — გარახა, ბჟაეიოლი — უმოსო გილალაფუ. პენინიშ გვალეფს მინშა ჩილათირო უძახჷნა გვალეფიშ ჯაჭვის. გუძუბეფი დორთილიე მიარერიცხუანი ჭიფე ლეხერეფით. ფაქტობურო ქიმინჷნს ოორუე დო ობჟათე წყარგჷმართუს. წყარმალუეფიშ ერიშ დო რაიბლიშ მეშქაშალათ პენინიშ გვალეფი ირთუ ჟირ ჯინჯიერ ნორთო. ოორუე ნორთი ობჟათე ნორთიშ გინაწონს უმოსი მაღალი დო განიერიე. გოფაჩილიე მანანამი, ტორფონა დო დოლო. ქიმენ ორტყაფუს მარხა ტყა რე. გოვითარაფილიე ტურიზმი. პენინიშ გვალეფიშ გარკვეული ნორთი უკებჷ პიკ-დისტრიქტიშ ერუანულ პარკის. რე იორკშირიშ ქუანოშქერიშ ღანჩო. გოვითარაფილიე ოფუტეშ მეურნობა. ლეხერეფს რე ჭიჭე დოხორელი პინქტეფი. 1965 წანას პენინიშ გვალეფს გინწყჷ „პენინიშ რზაქ“, ნამუთ 429 კმ-ს რე გინოზინდილი.

პენინიშ გვალეფი
პენინიშ გვალეფიშ ტიპური ლანდშაფტი
კონტინენტი	ევროპა
ქიანეფი	დიდი ბრიტანეთი
კონკა	კროს-ფელი
სიმაღალა	893 მ

რესურსეფი ინტერნეტის

• პენინიშ გვალეფი — დიდი სხუნუეფიშ ენციკლოპედია^{[ღურელი რსხილი]} (რუს.)
• პენინიშ გვალეფი — ენციკლოპედია ბრიტანიკა (ინგლისური)