თარ მენიუშა მიშულა
რომიშ სახენწჷფო
ინსტიტუტეფი
რომიშ ომაფე
რომიშ რესპუბლიკა
რომიშ იმპერია
პრინციპატი დომინატი
თარი მაგისტრატეფი:
საგანგებო მაგისტრატეფი:
შხვა პოსტეფი დო წოდებეფი:
პოლიტიკა დო კანონი:

პრინციპატი — მართუალაშ ფორმა ორდოშიან რომიშ იმპერიას.

ზიტყვა პრინციპატი ლათინური Princeps-შე მოურს, მუთ შანენს „მაართა მაართეფს შქას“.

პრინციპატი წჷმარინუანდჷ ორდოშიანი იმპერიაშ მართუალაშ ფორმას, მუჟამსჷთ რესპუბლიკური ტრადიციეფი დიო ხოლო ჭყანიერი რდჷ დო ინსტიტუტეფი ასქილადირი რდჷ, თაშნეშე პრინცეპატი ოხვილუდჷ სენატიშ აღიარაფას.

პრინცეპსტიშ (პირველი მენოღალეშ) ტიტული მაართათ ოქტავიანე ავგუსტუსიქ მიღჷ, მუჟამსჷთ სენატიშ მეჯინათ თიქ იმპერატორო გჷნირთუნ (ჯვ. წ. 27 წანას). ფორმალურო რესპუბლიკა ასქილადერი რდჷ. ავგუსტუსიქ მიღჷ რინაშ ბოლოშა ტრიბუნიშ მაგისტრატურა, თინა თაშნეშე რდჷ ცენზორით დო ცხენენჯმადუდეთ, თეშნერო თიქ ოდუდეს ქეგუდირთჷ მუჭოთ ომენოღალე, თაშნეშე ოურდუმე დო ოშურიელე ხეშუულებას. სენატიქ დო ოკათე ხუნეფქ გაგჷნძარეს არსებობა, მაგისტრატუსეფით ქჷდოსქიდჷ, მარა თინეფიშ პოლიტიკური შანულობაქ გიხურგუ.

პიჯობურო პრინციპატი იკათუანს პერიოდის ჯვ. წ. 27 წანაშე, ანუ ავგუსტუსიშ იმპერატორო გჷმოცხადაფაშე, 193 წანაშახ, ანუ ანტონინეფიშ დინასტიაშ თებაშა. სევერუსეფიშ დინასტიაშ მართუალა რესპუბლიკური ტრადიციეფშე უკვე ძალამ შორს რდჷ ულირი, გეჸვენჯი მასუმა ოშწანურაშ კრიზისიქ დიჭყჷ, ნამუთ დიოკლეტიანეშით დომინანტიშ მიშაღალათ გეთუ.