ჟან-პოლ მარატი
ჟან-პოლ მარატი, დაბადებაშ გვარი მარა (ფრანგ. Jean-Paul Marat; დ. 24 მესი, 1743 — ღ. 13 კვირკვე, 1793) — ფრანგი ჟურნალისტი, პოლიტიკოსი, ექიმი დო მენცარი, საფრანგეთიშ რევოლუციაშ ართ-ართი ლიდერი, სანკიულოტეფიშ ნებეფიშ მათხილე.
| ჟან-პოლ მარატი ფრანგ. Jean-Paul Marat | ||
 ჟან-პოლ მარატი (ჟოზეფ ბოზეშ ნახანტა) | ||
| ერუანული კონვენტიშ მაკათური | ||
|---|---|---|
| პოსტის გერინაშ ბორჯი | ||
| 9 ეკენია, 1792 წანა – 13 კვირკვე, 1793 წანა | ||
| დუნაბადი | 24 მესი, 1743 ბუდრი, ნევშატელიშ სათარო | |
| ნაღურა | კვირკვე 13, 1793 (50 წანერი) პარიზი, საფრანგეთი | |
| ოგიშაგორაშე ოლქი | პარიზი | |
| ღურაშ ბაძაძი | ჸვილუა | |
| პოლიტიკური პარტია | მონტანიერეფი იაკობინარეფი | |
| მუმა | ჟან-ბაპტისტ მარა | |
| ალმასქუ | სიმონა ევრარი | |
| გონათაფა | სენტ-ენდრიუშ უნივერსიტეტი | |
| საქვარუა | ჟურნალისტი, პოლიტიკოსი, ექიმი, მენცარი | |
| ხეშმოჭარუა |  | |
მარატი გურაფულენდჷ მედიცინას, პარიზის. 1770-იან წანეფს ოცხოვრებშა ბრიტანეთიშა მიდართჷ დო ლონდონს გიშარჩქინელ ექიმო გინირთჷ. 1777 წანას საფრანგეთიშა დირთჷ. ჸათე პერიოდიშე დაინტრესებული რდჷ მენცარობათ. თიში რკვიებეფი ორხველუდჷ სინთეს დო ელექტრობას. 1780-იან წანეფიშე მონტესკიეშ დო ჟან-ჟაკ რუსოშ იდეეფით დეინტერესჷ.
1789 წანას დარსხუ გაზეთი "ხარხიშ მაჸალე", ნამუთ იხასიათებუდჷ რადიკალიზმით, გიშაკერზაფილო არისტოკრატიაშ მეხჷ. მარატიქ დახოლებური რდჷ იაკობინარეფიწკჷმა, ნამუეფქჷთ ხეშულობა ხეშა ქეშეჸოთეს 1793 წანაშ ივანობაშ უკულიანი პერიოდიშე.
1792 წანაშ ეკენიაშე მარატი რდჷ საფრანგეთიშ ერუანული კონვენტიშ დელეგატი. მარატის ფშხირას აკრიტიკენდეს ჟირონდისტეფი დო თხულენდეს თიში ჭოფუას, მარა რევოლუციური ტრიბუნალქ მარატი გამართუ. 1793 წანას მარატი მაქსიმილიან რობესპიერიწკჷმა ართო ხემანჯღვერენდჷ არჸებას, ნამუქჷთ ჟირონდისტეფი გეგთარაგუ.
1793 წანაშ 13 კვირკვეს ჟან-პოლ მარატი დოყვილეს. მაჸვილარი რდჷ ჟირონდისტეფიშ ალმაჸვენჯი შარლოტა კორდე, ნამუთ მალას ოჭოფეს დო ოთხი დღაშ უკულ გილიოტინათ დუდი მეკვათეს.
მარატი რდჷ ავტორი შხვადოშხვა პოლიტიკური დო ფილოსოფიური ნახანდეფიშ. 1774 წანას გიმაბჟინუ ესე "დოლმახორეობაშ ხაჯალურეფი", ნამუთ დესპოტიზმიშ კრიტიკა რე.
ლიტერატურა
რედაქტირაფა- Conner, Clifford D. (1999). Jean Paul Marat: scientist and revolutionary. Amherst, New York: Humanity Books.