რადიშ თორდია — ქორთუ ხანტუ, ფიგურალური ხანტუაშ მათხოზე. ხანტჷნს უმოსო ზეთით დო უმოსო ოსურეფიშ ფიგურეფს.

დებადჷ აბაშას 1936 წანაშ 21 მარაშინათუთას. ხანტუას გურაფულენდ ქართის, დიო იაკობ ნიკოლაძეშ ჯოხონობაშ სახელოსნოს დო უკული ქართიშ წკანტილი ხელუანობეფიშ სახენწჷფო აკადემიას. 1979 წანას "საქაორთუოშ დოინალაფილი ხანტუშ" ტიტული მეჩეს, 1990 წანას "საქორთუოშ საკათო მახანტალო" გინირთჷ დო 1997 წანაშ "დიდებაშ ორდენით" დაჯილდოვეს.

გუმოფინუეფი მუნანწყუა აფჷ საქორთუოს, რუსეთის, ტუნისის, გერმანიას (კიოლნი), ააშ-ს (ვაშინგტონი) დო დიდი ბრიტანეთის (ლონდონი). რადიშ თორდიაშ ნახანდეფი ბრელი კოლექციას იძირე, მუჭოთ დორხველური (ნიდერლანდეფიშ დიაფალი, ედუარდ შევარდნაძე, ჰელმუტ კოლი, რომან ჰერცოგი), თაშ საკათოს (საქორთუოშ ერუანული მუზეუმი, მოსკოვიშ ტრეტიაკოვიშ გალერეა, სანქტ-პეტერბურგიშ მუზეუმი, კიოლნიშ პეტერ ლუდვიგიშ მუზეუმი).