რიტა ლევი-მონტალჩინი
რიტა ლევი-მონტალჩინი (იტალ. Rita Levi-Montalcini; დ. 22 პირელი, 1909, ტურინი, იტალია — ღ. 30 გერგობათუთა, 2012, რომი, იტალია) — იტალიარი ნეირომენცარი, ნერვიშ რდუალაშ ფაქტორიშ ძირაფაშ დო მენცარული რკვიებაშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1986 წანას, ამერიკალი ბიოქიმიკოსი სტენლი კოენიწკჷმა ართო.
| რიტა ლევი-მონტალჩინი | |
| იტალ. Rita Levi-Montalcini | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 30, 2012 (103 წანერი) |
| ღურაშ აბანი: |
რომი, იტალია |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
EMBO-შ მაკათური (1974) |
ბიოგრაფია
რედაქტირაფარიტა ლევი-მონტალჩინიქ დებადჷ 1909 წანაშ 22 პირელს, იტალიაშ ნოღა ტურინს, ურიეფიშ ფანიას. გურაფულენდჷ ტურინიშ უნივერსიტეტიშ მედიცინაშ სკოლას. გურაფაშ თებაშ უკულ მუშენდჷ იტალიარი ანატომიშ დო ჰისტოლოგიშ ჯუზეპე ლევიშ ასისტენტო. ბენიტო მუსოლინიშ ანტისემიტური რასისტული მანიფესტიშ უკულ, მუშობაქ დო პრაქტიკაქ მიოტებელქ აჸუ. მაჟირა მოსოფელიშ ლჷმაშ ბორჯის ლევი-მონტალჩინიქ მუშ ჸუდეს აკეთჷ კუსტარული ლაბორატორია, სოდეთ შხვადოშხვა ექსპერიმენტეფს ორთუდჷ. 1943 წანას ლევი-მონტალჩინიშ ფანიაქ ოცხოვრებშა ფლორენციაშა გეგნორთჷ. ლჷმაშ თებაშ უკულ კინ ტურინშა დირთეს. 1946 წანას ლევი-მონტალჩინიქ გურაფა გაგინძორჷ ვაშინგტონიშ უნივერსიტეტის (სენტ-ლუისი). ვაშინგტონიშ უნივერსიტეტის გიმირკვიუ ლევი-მონტალჩინიქ ნერვიშ რდუალაშ ფაქტორი დო თიში ფუნქციეფი. 1958 წანაშე ლევი-მონტალჩინი რდჷ ვაშინგტონიშ უნივერსიტეტიშ პროფესორი. 1962 წანას დარსხუ ლაბორატორია, რომს დო თექ ხოლო მუშენდჷ. 1961-1969 წანეფს ლევი-მონტალჩინი რდჷ რომიშ ნეირომენცარობაშ რკვიებაშ ცენტრიშ დირექტორი, 1969-1978 წანეფს რდჷ ციტოლოგიური ლაბორატორიაშ დირექტორი. 2002 წანას ლევი-მონტალჩინიქ დარსხუ ტვინიშ რკვიებაშ ევროპაშ ინსტიტუტი დო რდჷ თიში დირექტორი. რიტა ლევი-მონტალჩინი რდჷ ნობელიშ პრემიაშ, ლუიზა გროს-ჰორვიციშ პრემიაშ, ლასკერიშ პრემიაშ, რალფ ჯერარდიშ პრემიაშ დო შხვა ჯილდოეფიშ ლაურეატი. 1987 წანას გინოჩეს მენცარობაშ ერუანული მენდალი. 1966 წანაშე რდჷ ამერიკაშ მენცარობაშ დო ხელუანობაშ აკადემიაშ მაკათური დო 1995 წანაშე ომაფე ჯარალუაშ მაკათური. 1974 წანაშე რიტა ლევი-მონტალჩინი რდჷ ევროპაშ მოლეკულური ბიოლოგიაშ ორგანიზაციაშ (EMBO) მაკათური.
რესურსეფი ინტერნეტის
რედაქტირაფა
- Interview with Rita Levi-Montalcini (dated 26 November 2008)
- Biography of Rita Levi-Montalcini at Embryo Project Encyclopedia
- AFP Biography (dated 22 April 2009) celebrating Rita Levi-Montalcini's 100th Birthday
- An Annual Reviews Conversations Interview with Rita Levi-Montalcini (video)
- 1979 article in Scientific American describing the discovery of nerve growth factor