რობერტ რატბუნ უილსონი
რობერტ რატბუნ უილსონი (ინგლ. Robert Rathbun Wilson; დ. 4 მელახი, 1914, ფრონტიერი, ვაიომინგი, ააშ — ღ. 16 ღურთუთა, 2000, ითაკა, ნიუ-იორკი, ააშ) — ამერიკალი ფიზიკოსი, მანჰეტენიშ პროექტიშ მაკათური დო ფერმიშ ჯოხონობაშ ერუანული აქსელერატორული ლაბორატორიაშ არქიტექტორი დო თიში დირექტორი 1967-1978 წანეფს.
| რობერტ რატბუნ უილსონი | |
| ინგლ. Robert Rathbun Wilson | |
.jpg) | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ღურთუთა 16, 2000 (85 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
კალიფორნიაშ უნივერსიტეტი (ბერკლი) |
| ალმა-მატერი: | |
| ომენცარე ხემანჯღვერი: | |
| ჯილდოეფი დო პრემიეფი: |
ელიოტ კრესონიშ მენდალი (1964) |
| ხეშმოჭარუა: |
|
რობერტ რ. უილსონი გურაფულენდჷ კალიფორნიაშ უნივერსიტეტის, სოდეთ თხილუ ოდოქტორე დისერტაცია გიშარჩქინელი ამერიკალი ფიზიკოსიშ ერნესტ ლოურენსიშ ხემანჯღვერობათ. გურაფაშ ბორჯის უილსონიქ მიშეღჷ დიდი თია ციკლოტრონიშ გოვითარაფაშა, ბერკლიშ რადიაციულ ლაბორატორიას. გურაფაშ თებაშ უკულ, უილსონიქ გინილჷ პრინსთონიშ უნივერსიტეტიშა, სოდეთ ჰენრი დევულფ სმაიტიწკჷმა მუშენდჷ. ჸათაქ, თიში რკვიებეფი ორხველუდჷ ურანიშ იზოტოპეფიშ ელექტრომაგნიტური გორთუალაშ საქმეს.
1943 წანას უილსონიქ ქაკათჷ მანჰეტენიშ პროექტის დო მუშობა ქიდიჭყჷ ლოს-ალამოსიშ ერუანულ ლაბორატორიას. ჸათაქ თინა რდჷ დიო ციკლოტრონეფიშ ბუნაშ მადუდე დო უკულ რკვიებეფიშ სექციაშ ხემანჯღვერი.
მაჟირა მოსოფელიშ ლჷმაშ თებაშ უკულ, უილსონიქ ომუშებუშა გეგნორთჷ ჰარვარდიშ უნივერსიტეტიშა, სოდეთ რდჷ ასოცირაფილი პროფესორი. ჰარვარდიშ უკულ ომენცარე კარიერა გაგინძორჷ კორნელიშ უნივერსიტეტის. უილსონი მუშენდჷ კორნელიშ უნივერსიტეტიშ ფიზიკაშ პროფესორო დო ბირთვული რკვიებეფიშ ახალდუნარსხუა ლაბორატორიაშ დირექტორო.
1967 წანაშე 1978 წანაშა უილსონი რდჷ ერუანული აქსელერატორული ლაბორატორიაშ (Fermilab) დირექტორი.
რობერტ რატბუნ უილსონი რდჷ შხვადოშხვა პრემიეფიშ დო ჯილდოეფიშ ლაურეატი. 1964 წანას ფრანკლინიშ ინსტიტუტიქ გინოჩჷ ელიოტ კრესონიშ მენდალი. 1973 წანას მიპალუ მენცარობაშ ერუანული მენდალი, 1984 წანას ენრიკო ფერმიშ პრემია. უილსონი რდჷ ამერიკაშ მენცარობეფიშ ერუანული აკადემიაშ დო ამერიკული ფილოსოფიური ჯარალუაშ მაკათური დო ამერიკული ფიზიკური ჯარალუაშ პრეზიდენტი 1985 წანას.
რესურსეფი ინტერნეტის რედაქტირაფა
- Robert R. Wilson's Interview. Voices of the Manhattan Project. კითხირიშ თარიღი: November 5, 2016. 1982 Audio Interview with Robert R. Wilson by Martin J. Sherwin
- Robert Rathbun Wilson. Fermilab. კითხირიშ თარიღი: February 15, 2014.
- A Conversation with Emeriti Professors Hans Bethe and Robert Wilson. Cornell University. კითხირიშ თარიღი: February 15, 2014. Video of a 1993 conversation with Hans Bethe and Robert Wilson discussing the atomic bomb projects.