რობერტ სანდერსონ მალიკენი

რობერტ სანდერსონ მალიკენი (ინგლ. Robert Sanderson Mulliken ; დ. 7 მანგი, 1896, ნიუ-ბერიპორტი, მასაჩუსეტსი, ააშ — ღ. 31 გჷმათუთა, 1986, არლინგტონი, ვირჯინია, ააშ) — ამერიკალი ფიზიკოსი დო ქიმიკოსი, ნამუქით შელებუ მოლეკულური ორბიტალური თეორიაშ ადრეიან გოვითარაფა. ნობელიშ პრემიაშ ლაურეატი ქიმიაშ დარგის (1966).

რობერტ სანდერსონ მალიკენი
ინგლ. Robert Sanderson Mulliken
Mulliken,Robert 1929 Chicago.jpg
რობერტ მალიკენი, ჩიკაგო, 1929 წანა
დაბადებაშ თარიღი:

7 მანგი, 1896

დაბადებაშ აბანი:

ნიუ-ბერიპორტი, მასაჩუსეტსი, ააშ

ღურაშ თარიღი:

გჷმათუთა 31, 1986 (90 წანერი)

ღურაშ აბანი:

არლინგტონი, ვირჯინია, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ქიმია, ფიზიკა

სამუშაშ აბანი :

ფლორიდაშ შტატიშ უნივერსიტეტი
ჩიკაგოშ უნივერსიტეტი
ნიუ-იორკიშ უნივერსიტეტი

ალმა-მატერი:

მასაჩუსეტსიშ ტექნოლოგიაშ ინსტიტუტი
ჩიკაგოშ უნივერსიტეტი

ომენცარე ხემანჯღვერი:

უილიამ დრეიპერ ჰარკინსი

ჯილდოეფი დო პრემიეფი:

პეტერ დებაიშ პრემია (1963)
ნობელიშ პრემია ქიმიას (1966)
ომაფე საზოგადოებაშ მაკათური (1967)
პრისტლიშ მენდალი (1983)

ბიოგრაფიარედაქტირაფა

რობერტ სანდერსონ მალიკენი გურაფულენდჷ მასაჩუსეტსიშ ტექნოლოგიაშ ინსტიტუტის, უკულ ჩიკაგოშ უნივერსიტეტის, სოდეთ თხილუ ოდოქტორე დისერტაცია. ართ პერიოდის ჰარვარდიშ უნივერსიტეტის გურაფულენდჷ სპექტოგრაფიულ ტექნიკას დო კვანტურ თეორიას. გეჩინებაფუ რობერტ ოპენჰაიმერი, ჯონ ჰაზბრუკ ვან ფლეკი, ჯონ კლარკ სლეიტერი დო შხვეფი. 1925-1927 წანეფს მალიკენი ევროპას რდჷ, სოდეთ მუშენდჷ ერვინ შრედინგერი, პოლ დირაკი, უერნერ ჰეიზენბერგი, ლუი დე ბროილი, მაქს ბორნი, ვალტერ ბოთე, ფრიდრიხ ჰუნდი დო შხვა მენცარეფწკჷმა ართო. 1926-1928 წანეფს მალიკენი ოგურუანდჷ ფიზიკას ნიუ-იორკიშ უნივერსიტეტის, უკულ დირთჷ ჩიკაგოშ უნივერსიტეტიშა სოდეთ რდჷ ასოცირებული პროფესორი დო უკულ პროფესორი, 1931 წანაშე. ჩიკაგოშ უნივერსიტეტის ჟირხოლო, ქიმიაშ დო ფიზიკაშ დეპარტამენტის მუშენდჷ. ინტერესეფიშ სფერო რდჷ მოლეკულურ-ორბიტალური თეორია. მალიკენი 1936 წანაშე რდჷ ამერიკაშ მენცარობაშ ერუანულ აკადემიაშ მაკათური. 1967 წანაშე რდჷ ომაფე საზოგადოებაშ მაკათური. 1963 წანას მიპალუ პეტერ დებაიშ პრემია, 1966 წანას ნობელიშ პრემია ქიმიას დო 1983 წანას პრისტლიშ მენდალი.

პერსონალური რინარედაქტირაფა

რობერტ სანდერსონ მალიკენიშ ოსური რდჷ მარი ჰელენ ნოე. ჸუნდეს ჟირი სკუა. რობერტ მალიკენქ ღურუ 1986 წანაშ 31 გჷმათუთას, გურიშ ლახალათ, 90 წანერქ.

ლიტერატურარედაქტირაფა

  • R. Stephen Berry, Biographical Memoirs, Vol. 78: Robert Sanderson Mulliken, 1896-1986 (Washington, D.C.: The National Academy Press, 2000), pages 146–165.

რესურსეფი ინტერნეტისრედაქტირაფა