რობერტ ჰოფშტადტერი
რობერტ ჰოფშტადტერი (ინგლ. Robert Hofstadter; დ. 5 ფურთუთა, 1915, ნიუ-იორკი, ააშ — ღ. 17 გერგობათუთა, 1990, სტენფორდი, კალიფორნია, ააშ) — ამერიკალი ფიზიკოსი. გიმირკვიუ ელექტრონეფიშ მოფაჩუა ატომეფიშ ბირთვეფიშ დინახალე დო ნუკლონეფიშ სტრუქტურა. ჸათე ფუნდამენტური რკვიებეფიშ გეშა მიპალუ ნობელიშ პრემია ფიზიკაშ დარგის 1961 წანას. ჰოფშტადტერიქ მიშეღჷ ტერმინი ფერმი (სიმბოლო ფმ), ნამუთ რე სიგინძაშ ართული ართულეფიშ საირქიანო სისტემას. სიგინძაშ ჸათე ართული გიშარჩქინელი იტალიარი მენცარიშ ენრიკო ფერმიშ ჯოხონობაშ რე დო თინა ფშხირას გიმირინუაფჷ ბირთვული დო წილაკეფიშ ფიზიკაშ დარგეფს.
| რობერტ ჰოფშტადტერი | |
| ინგლ. Robert Hofstadter | |
 რობერტ ჰოფშტადტერი 1961 წანას (ნობელიშ ფონდიშ ფოტო) | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გერგობათუთა 17, 1990 (75 წანერი) |
| ღურაშ აბანი: |
სტენფორდი, კალიფორნია, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
მენცარობეფიშ ერუანული აკადემიაშ მაკათური (1958) |
| ხეშმოჭარუა: |
|
რობერტ ჰოფშტადტერიქ დებადჷ პოლონეთიშე ემიგრირებული ურიეფიშ ფანიას. გურაფულენდჷ ნიუ-იორკიშ სიტი-კოლეჯის, ნამუთ გათუ 1935 წანას. უკულ გურაფა გაგინძორჷ პრინსთონიშ უნივერსიტეტის, სოდეთ მიპალუ მაგისტრიშ დო დოქტორიშ ხარისხი. გურაფაშ თებაშ უკულ მუშენდჷ დიო პენსილვანიაშ დო უკულიან პერიოდეფს სტენფორდიშ უნივერსიტეტეფს. ჰოფშტადტერი სტენფორდის ლექციეფს კითხულენდჷ 1950-1985 წანეფს.
რობერტ ჰოფშტადტერი ნობელიშ პრემიაშ გარდა, რდჷ შხვადოშხვა პრემიეფიშ დო ჯილდოეფიშ ლაურეატი. 1958 წანას გიშაგორილქ იჸუ ამერიკაშ მენცარობეფიშ ერუანული აკადემიაშ დო 1970 წანას ხელუანობეფიშ დო მენცარობეფიშ ამერიკული აკადემიაშ მაკათურო.
რობერტ ჰოფშტადტერიშ სქუა რე შინელი ამერიკალი ფიზიკოსი, ინფორმატიკოსი დო ავტორი, პულიცერიშ პრემიაშ ლაურეატი დუგლას ჰოფშტადტერი.
რესურსეფი ინტერნეტის
რედაქტირაფა- რობერტ ჰოფშტადტერი Nobelprize.org-ის
- რობერტ ჰოფშტადტერი ენციკლოპედია ბრიტანიკას
- Robert Hofstadter: An Oral History, Stanford Historical Society Oral History Program, 1985.