როდენიშ მუზეუმი (პარიზი)
როდენიშ მუზეუმი (ფრანგ. Musée Rodin) პარიზის, საფრანგეთის, გინწყჷ 1919 წანას სასუმარო ბირონს დო მუშ მუკი-მუკის. თაქ გჷმოფინილი რე ფრანგი სკულპტორიშ, ოგიუსტ როდენიშ ნახანდეფი.
როდენი სასუმარო ბირონს ოხორანდჷ 1908 წანაშე დო უკული თელი მუში დორხველი სკულპტურეფიშ კოლექცია (ვინსენტ ვან გოგიშ დო პეირ-აუგუსტ რენუარიშ ტილოეფწკჷმა ართო) საფრანგეთიშ სახენწჷფოს გეგნოჩჷ თი პიჯალათ, ნამდა თარობა სასუმაროშ ნოდგჷმს მუშ ნახანდეფშა მეძღვინელ მუზეუმო გინართინუანდჷ.
მუზეუმიშ კოლექცია იკათუანს როდენიშ არძაშე ნიშულამ ქიმინელობეფს. მუში სკულპტურეფიშ უმეტაშობა მუზეუმიშ ფირჩა ბაღის რე გჷმოფინილი.
მუზეუმს თაშნეშე გარჩქჷ ოთახი, ნამუთ კამილ კლოდეშ ნახანდეფშა რე მეძღვინილი.
