სესოსტრისი ჰეროდოტეშ ნარაგადჷთჷ რდჷ ჯვეში ეგვიპტეშ ლეგენდარული ფარაონი, ნამუქჷთ მანწყუ ოლიმური ექსპედიციეფი ევროპაშ შხვადოშხვა მუხურეფს.

ჰეროდოტეშ ნარაგადი რედაქტირაფა

ჰეროდოტე იჩიებუდჷ ეგვიპტარი პაპაშ ნარაგადუს ფარაონ სოსესტრისიშ ამბეს, ნამუქით ართიშახ მიდეჸუნუ მუში ურდუმი ოორუე-ბჟაიოლ ჸურე დო სირია დო თურქეთიშ მიკულათ ქიმერთჷ კოლხეთშა, უკული ბჟადალ ჸურე ამნღანერ ობჟარე რუსეთიშა, უკული მიდართჷ ობჟათე ჸურე რუმინეთშა, სოიშახ ვექიმერთჷ ამდღანერ ბულგარეთშა დო ბჟაიოლ საბერძნეთშა. თეში უკული სესოსტრისიქ დირთჷ ჸუდეშა კინი თე შარათ დო, მუჭოთ ჰეროდოტე რაგადანს, ქჷდიტუ მუში ურდუმიშ მაკათურეფი კოლხეთიშ წყარმალუ ფაზისწკჷმა. თეში მოხ ჰეროდოტე ჭარუნს კოლხეფიშ მუნეფიშ დო ეგვიპტარეფიში ნარაგადის, ნამდა კოლხეფი ეგვიპტარეფი რენანია, მარა გეთმეუძინანს ნამდა კოლხეფს უჯგუშო შჷნანია ეგვიპტარეფი, ვინდარო პიჯიშო. ჰეროდოტე გეთმეუძინანს, ნამდა მა თეს თიშახ მეფხვადია, სოიშახ შხვეფი მიწინდესია, მუშენდა თელი რინა ართნერი უღუნანია, ართნერო ამუშენანია სელს, მოგენანია ართიანს, ჟირხოლო კათას კუჭუჭი თუმა უღუნანია დო უჩეფი რენანია, თეში გალე, ხვალე კოლხეფი დო ეგვიპტარეფი ირთჷნანია წჷმოჭკირუას მუშით. ჰეროდოტეშ, დიოდორე სიცილიარიშ დო სტრაბონიშ ნარაგადით, სესოსტრისიქ გეჭოფუ თელ ქიანა, სკვითია დო ეთიოპია ხოლო, გორთჷ ეგვიპტე ადმინისტრაციულ რაიონეფო ორ ნომეფო, ღდინჷ კალონეფი დო გემშეღჷ კასტური სისტემა ეგვიპტეშა დო ქჷდარსხუ სერაპიშ კულტი.

ამდღანერი გინაჯინუ რედაქტირაფა

ამდღანერ მენცარეფს მიოჩქჷნა, ნამდა სესოსტრისის მიკმაჭარანა სეტი I დო რამზეს II-შ ნაქიმინას, ნამუთ რდეს მავითოჩხორა დინასტიაშ მაფეფი, მარა ჯვეში ეგვიპტარი ისტორიკოსიშ მანეთოშ ნარაგადით, ფარაონი ნამუსჷთ ჯოხოდჷ სესოსტრისი მაფენდჷ მუჭოთ სენუსტრეტ II დო რდჷ მავითოჟირა დინასტიაშ ფარაონი. მუდგა ვარდასჷნი, ამდღა მერჩქინელი რე, რანმა ნამთინე ძვეშ ეგვიპტარ ფარაონს ვაულინჷ ევფრატიშ ვარდა მორჩილ აზიაშ იშო დო ვართ ევროპაშა მეურთუმუ ნამთინეს. ეგვიპტეშ ისტორიას თე მერჩქინელი რე სუმი ფარაონი ნამუსჷთ ჯოხოდჷ სენუსტრეტი, თენეფშე მასუმაქ მანწყუ ოლიმარი ექსპედიციეფი ქანაანს, ეთიოპიას დო სემნას, თენა ინოჭარილი რე თიში გომორძგუაშ სტელას დო შილებე, ნამდა ჰეროდოტეშ სესოსტრის რდას თე ფარაონიში ნამეტუ გომბარილი პორტრეტი.

რესურსეფი ინტერნეტის რედაქტირაფა