სექსუალური რჯება

სექსუალური რჯება — ინდივიდიშ რჯება, ნამუთ საშუალებას მარზენა გობთანჯათ თიშ გორკვიაფილი სქესიშოთ დორხველობა. თარო თენა რე შანობური რჯებეფი, გერსხილი გინორთეეფშა გოჯინას, მუკაქუნალს, რჯებაშ მანერას, ჟესტეფიშ სისტემას, რაგადიშ მანერას. სექსუალური რჯება ვა წჷმარინუანს ართო დო საირონოთ დოგურაფილ რჯებაშ მოდელს. თინა რე გორკვიაფილი როლეფიშ ნაკორობა, ნამუთ ირო ითირუ. ჯარალუაშურე სექსუალური რჯებაშო წჷმორინაფილ მოთხირეფს სქესობური დო ხანობური დიფერენციაცია უღუ. მიარე მუდგაიჸინი, ნამუთ შინერებული რე ქომოლკოჩეფშო, ვარებული რე ოსურეფშო, დო მინი-მონი. თეჯგურა თოქმა ნორმეფს „თოქმა სტანდარტი“ ჯოხო. „თოქმა სტანდარტიშ“ მოთხირეფი იგინაფუ ორდოშიან ხანშე მუჭოთ საერო, თეშ რელიგიურ რინას. სექსუალურ რჯებაშა გოლინას იღვენუანს ხანობური ნორმეფით. თინა, ნამუთ შინერებული რე ბოშეფშო, ირფელამო ვარებული რე ძინათებულ ქომოლკოჩიშო დო თ.უ. შხვადოშხვა სქესობურ როლს სექსუალური რჯებაოთ შხვადოშხვა მოთხირი უღუ. სამანგათ, მასქერიშ როლი მითხინს ედომუშამო გინორთელ მუშობურობეფს, ვინდარო სექსუალური ვარდა პროფესიული როლეფი. სქესობური რჯება არძაშე ჯგირო რჩქინდუ ოფანიე დო სექსუალურ როლეფს, არძაშე მერკეთ ოხუ პროფესიულ როლს, მორო ასერდე პროფესიული გიშაგორუა უმენტაშო გოთანჯილი რდჷ ადამიერიშ სქესით. სქესობური რჯებაშოთ შხვადოშხვა სქესობური როლეფიშ მოთხირეფიშ უდუფასებუოფას მებჸუნთ უგუმართებელი სიტუაციეფიშ წჷმორინაფაშა, მუჟამსჷთ, სამანგათ, მუკოქუნაშ მანერაშ მეჯინათ ფირქენა სექსუალურ ორიენტაციაშე, ვარდა პროფესიული მუშობურობეფშე გიშნაველი აკეთენა დუნასქვეფს ფანიურ რინაშ გეშა.

ლიტერატურა

შესავალი ლგბტ ჟურნალისტიკაში/[ავტ. შორენა გაბუნია; რედ. ირაკლი ვაჭარაძე; არასამთავრობო ორგანიზაცია „იდენტობა“]. - თბ., 2013. - 319 გვ.; 20 სმ.. - დანართები: გვ. 145-316. - განმარტ. ლექსიკონი: გვ. 3-34.