სოლ შპიგელმანი (ინგლ. Sol Spiegelman; დ. 14 ქირსეთუთა, 1914, ბრუკლინი, ნიუ-იორკი, ააშ — ღ. 21 ღურთუთა, 1983, ნიუ-იორკი, ნიუ-იორკი, ააშ) — ამერიკალი მოლეკულური ბიოლოგი. დიდი თია მიშეღჷ ნუკლეინიშ ბჟეშ ჰიბრიდიზაციაშ ტექნიკაშ გოვითარაფაშა, ნამუსჷთ უკულ გიარსხუ დნბშ რეკომბინაციაშ ტექნოლოგიაქ.

სოლ შპიგელმანი
ინგლ. Sol Spiegelman
დაბადებაშ თარიღი:

14 ქირსეთუთა, 1914

დაბადებაშ აბანი:

ბრუკლინი, ნიუ-იორკი, ააშ

ღურაშ თარიღი:

ღურთუთა 21, 1983 (68 წანერი)

ღურაშ აბანი:

ნიუ-იორკი, ნიუ-იორკი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

მოლეკულური ბიოლოგია, გენეტიკა

სამუშაშ აბანი :

ილინოისიშ უნივერსიტეტი (ურბანა-შამპეინი)
კოლუმბიაშ უნივერსიტეტი

ალმა-მატერი:

სიტი-კოლეჯი
ვაშინგტონიშ უნივერსიტეტი (სენტ-ლუისი)

ომენცარე ხემანჯღვერი:

ნორმან პეისი

ჯილდოეფი დო პრემიეფი:

ლასკერიშ პრემია (1974)
ფელტრინელიშ პრემია (1981)

ბიოგრაფია დო მენცარული რკვიებეფი რედაქტირაფა

სოლ შპიგელმანიქ დებადჷ 1914 წანაშ 14 ქირსეთუთას, ნიუ-იორკის. გურაფულენდჷ ნიუ-იორკიშ სიტი-კოლეჯის. ჸათაქ შპიგელმანი დიო ბიოლოგიას გურაფულენდჷ, უკულ ბიოლოგიაშ გურაფა მიოტუ დო დეინტერესჷ ფიზიკათ დო მათემატიკათ. 1939 წანას მიპალუ ბაკალავრიშ ხარისხი მათემატიკას. 1940 წანას შპიგელმანიქ გურაფა გაგინძორჷ კოლუმბიაშ უნივერსიტეტის. ჟირ წანაშ უკულ ოგურაფუშა გეგნორთჷ ვაშინგტონიშ უნივერსიტეტიშა (სენტ-ლუისი). 1944 წანას შპიგელმანიქ თხილუ ოდოქტორე დისერტაცია ბიოლოგიაშ დარგის. გურაფაშ თებაშ უკულ ვაშინგტონიშ უნივერსიტეტის ქუდოსკიდჷ დო ჸათაქ იმუშუ 1948 წანაშახ. 1969 წანაშე შპიგელმანი რე ილინოისიშ უნივერსიტეტიშ (ურბანა-შამპეინი) პროფესორი. ილინოისიშ უნივერსიტეტის შპიგელმანიქ იმუშუ 20 წანას. სოლ შპიგელმანიქ გიმირკვიუ ნუკლეინიშ ბჟეეფი, ფერმენტეფი, ნუკლეინიშ ბჟეეფიშ სინთეზი დო შხვ. ბაქტერიოფაგი Qβ-შ რკვიებაშ ბორჯის, შპიგელმანიქ აკეთჷ ექსპერიმენტი რნბშ სტრუქტურაშ გიმორთინაფათ, ნამუსჷთ რეპროდუქცია შეულებუდჷ. ჸათე სტრუქტურას შპიგელმანიშ მონსტრის უძახჷნა. სოლ შპიგელმანი უმოსო შინელი რე ნუკლეინიშ ბჟეშ ჰიბრიდიზაციათ. ჸათე რკვიებას რე გერსხილი დნბშ რეკომბინაცია. უკულიან წანეფს შპიგელმანი ირკვიენდჷ კიბოს. 1969 წანას შპიგელმანიქ ომუშებუშა გინილჷ კოლუმბიაშ უნივერსიტეტიშ ექიმეფიშ დო ქირურგეფიშ კოლეჯიშა, სოდეთ რდჷ ადამიერიშ გენეტიკაშ პროფესორი. შპიგელმანიქ 1974 წანას მიპალუ ლასკერიშ პრემია Qβ რნბშ რკვიებაშ გეშა. 1981 წანას გინოჩეს ანტონიო ფელტრინელიშ პრემია. შპიგელმანი რდჷ ამერიკაშ მენცარობეფიშ ერუანული აკადემიაშ დო ამერიკაშ ხელუანობეფიშ დო მენცარობეფიშ აკადემიაშ მაკათური. სოლ შპიგელმანიქ ღურუ 1983 წანას, პანკრეასიშ კიბოთ.

ქოძირით თაშნეშე რედაქტირაფა

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ: