სოფი მარსო

სოფი მარსო (ფრანგ. Sophie Marceau; დ. 17 გერგობათუთა, 1966, ჟანტილი, პარიზწკჷმა) — ფრანგი კინოარტისტი.

სოფი მარსო
დაბადებაშ ჯოხო	სოფი დანიელ სილვია მოპიუ
დაბადებაშ აბანი	პარიზი, საფრანგეთი
დებადჷ	17 გერგობათუთა, 1966 (1966-11-17)
საქვარუა	არტისტი
აკოქიმინჯალაშ წანეფი	1980–ასეშა
შხვა ჯილდოეფი
ცეზარი

ბიოგრაფია

დებადჷ მაჯღვერიშ დო გიმმაჩამუშ ფანიას. კინოს მარცხო მოხვადჷ: ართ-ართი მაჸალეშე ქჷგეგჷ, ნამდა კლოდ პინოტო მარდუეფს შაყარანდჷ ახალი ფილმიშო დო გინოჭყვიდჷ თინაწკჷმა ართო კინომორსებეფშა ულინჷდჷკონ. განჩინებათ, მარსო ისხუნეს თარი როლიშო მუსხირენ ვითოში კანდიდატიშე. ათაში ართი გოვალაფათ სოფი მარსოქ მურიცხიქ იჸუ. ფილმის „ბუმი“ (1980) სარკო წჷმოძინა უღუდჷ დო მალას თიში გეჸვენჯი „ბუმი 2“ (1982) გინიღეს, ნამუშოთ სოფიქ „ცეზარი“ მიღჷ ნომინაციას „საუჯგუშო დებიუტი დო არძაშე პერსპექტიული არტსტი“.

16 წანაშ ასაკის თის აჸუ ოლაჸაფექ ჟერარ დეპარდიე დო კატრინ დენევწკჷმა ართო ფილმის „ფორტ საგანი“. დეპარდიექ კინი იჸუ თიში პარტნიორქ მორის პიალიშ ფილმის „პოლიცია“. 1984 წანას მაართათ ილაჸაფჷ ანჯეი ჟულავსკიწკჷმა ართო ფილმის „დუდიშგაჭყოლადარი ჸოროფა“. თისი მაჸუნჷ „ჩქიმი სერეფი თქვანი დღალეფს ჰერებამი რე“, დო „ცაშფერი ნოტა“.

ფილმოგრაფია

წანა		მარგალურო	ოდაბადური ჯოხოდვალა	როლი
1980	ფ	წვიება	La Boum	ვიკ ბერეტონი
1982	ფ	წვიება 2	La Boum 2	ვიკ ბერეტონი
1995	ფ	უშქურანჯი გური	Braveheart	პრინცესა იზაბელი
1999	ფ	მოსოფელით ვარე დასაბაღი	The World Is Not Enough	ელექტრა კინგი

რესურსეფი ინტერნეტის

• შეგილებუნა ქოძირათ მედიაფაილეფი თემაშე „სოფი მარსო“ ვიკიოწკარუეს.
• სოფი მარსო — კინოფილმეფიშ ინტერნეტ-მუნაჩემეფიშ ბაზას