ინგირი (ზუგდიდიშ მუნიციპალიტეტი): გინორთი გინოჯინეფს შქას

დინორექ დილასჷ დინორექ ქეგიაძონუ
ღოზი 15:
თუდოლენ ზონაშ ოფუტეფიშ კარს ([[კახათი|კახათი]], [[დარჩელი|დარჩელი]] ) ინგირი მომაღალო აბანს რე დო ხვალე ოირემე რე ჭიჭე უმოს დაბალც, ჩხოუშიაპიც. ოფუტეშ არძაშ უმოს მაღალ აბანს (ზუგდიდიშ ჸურე) "კიდაიკოლც" უძახჷნა. თე სიმაღალაშ გეშა გრუნტიშ წყარშა მიოულარო დიხა 10-12 მეტრაშ მატომბას რე ონთხორალი (ოირემეს 6-7 მეტრა ბაღუ). ხანდა ბრელი ოკო, მარა თეშ მატომბაშე ეშაღალირი წყარს ჯგირი გემო უღუ.
 
ინგირიშ ფლორა დო ფაუნა მოსპილი რე. კათაშ გჷნჷნაჩემით, 200 წანაშ წოხოლე თე აბანეფს ირემი, ტყარი ღეჯი, გერი, ტურა, მელა დო ყურდგელი ხედჷ, მარა ამდღა თენა კაკალი ვარე დოსქილადირი. კათაშ დოხორაფაშ უკული ინგირს ტყალეფქ დეგვერდჷ დო კომუნისტეფქ მუშ ნორთი აბანშე სოდგა შილებედჷნ, ირდიხას ჩაიშ პლანტაციეფი გაშენეს დო თეთ ფაუნას ეკონია ოხორუ მიდუღეს. ჩხოუშიას და კუჩხობონს მუშ ბორჯის ანთასნერიმიარენერი ჩხომი იჭოფუდუიჭოფუდჷ, მარა ეკონია 50 წანას ჟირხოლო თიშნერი წიკვილი რე (ჩხოუშია ინგირიშ გიშულაშა ზუგიდიდცზუგიდიდის გიშმურცგიშმურს), ბრელი ჩხომიშ ბუნაქ ვარა გვალო მედინუმედინჷ, ვარა აკაბურცხაქ დოსქჷდჷ. ლაგვილეფიშ ღალს 25 წანაშ წოხოლე ანაყუ კიბოია ხედჷ დო ასე თინა ხოლო ვახე, მუშ ბაძაძოთ '''ჩერნობილიშ ავარიაშ''' მუმაჸვენჯი რადიაციას წურაფულენა.
 
ტყარ ჩანარეფშე ინგირს ექიაქო იძირე: გვიმარა, ჯამპი, მუჸია, ჭყონი, ნუზუ, ჭუბური, ლაკაცია დო შხვა. [[ავსტრალია|ავსტრალიაშე]] რე მუშნაღელი ეკვალიტი (ევკალიპტი), ნამუთ მუშ ბორჯის მალარიაშ გჷნმაღალარ კოღოშ მასირალო დორგეს (სამარგალოშ შხვა ოფუტეეეფიშ წორო). 20 წანაშ წოხოლე ინგირც ბრელი რდჷ ტუნგოშ დო ჩაიშ პლანტაციეფი, მარა ასე ტუნგოქ სოთინ ვადოსქჷდჷ დო ჩაის ხოლო მახორუეფი ჭიე-ჭიეთ ეშმარღვანა თხირიშ დო ლაიტიშ ოთასალო.