პარიზი: გინორთი გინოჯინეფს შქას

'''პარიზი'''(Paris) [[საფრანგეთი|საფრანგეთიშ]] ნანანოღა დო ქიანაშ არძაშე უდიდაშ ნოღა რე. პარიზ რე ილ-დე-ფრანსიშ რეგიონიშ ადმინისტრაციულ ცენტრი, ნამუთ იკათუანს პარიზის დო მუშ გოხოლუაშ ტერიტორიეფს. პარიზი ევროპაშ მაჸონაფალ კულტურულ, ბიზნეს დო პოლიტიკურ ცენტრ რე მუშ ნეოკლასიკურ არქიტექტურათ. პარიზ რე მოდაშ ინდუსტრიაშ ართ-ართ თარ ცენტრ. პარიზ მა-19 ოშწანურაშე მოჸონაფილ არძაშე რომანტიულ ნოღაშ რეპუტაციათ რგებაფულენს.

ნოღა იდვინუაფუ ოორუე-ცენტრალურ ფრანგონას წყარმაალ სენაშ ოპიჯეეფს. პარიზის ბრელ რე მუზეუმეფ, გალერეეფ, რესტორანეფ დო სერიშ კლუბეფ. პარიზის არძაშე უმოს სუმარ ჸუნს თელქიანას-მეხოლაფირო 30 მილიონ კოჩ წანომოწანას. პარიზიშ არძაშე უმოს ჩინებულ სიმბოლო რე 324 მეტრაშ სიმაღალაშ ლითონიშ [[ეიფელიშ ჸორში|ეიფელიშ ჸორში]].

პარიზიშ ადმინისტრაციულ სამძღოეფს 2004 წანაშ მუნაჩემეფით ოხორანდჷ 2.144.700 კოჩი, ეკონია ოშწანურაშ მალობას ნოღაქ მირდჷ დო გიფაჩ. თე ბორჯიშო პარიზიშ ურბანულ აკანეფს 9,9 მილიონ კოჩ ოხორანს, აგლომერაციას-11,5 მილიონ (1999).

პარიზიშ დუდშეიან ჯოხო რდჷ Lutetia (/lutetja/), ან Lutetia Parisiorum, (ფრ.: Lutèce ([lytɛs])), ნამუქუთ უკულ დეკუნტარ დო გინირთჷ Paris-ო. ჯოხო მოურს პარიზიშ გალიურ ტომშე, ნამუთ შილებე კელტურ-გალიურ სიტყვა პარიოს რდასჷნ, მუთ ჩუანს ჯოხო, მარა თენა ოეგებიეთ. პარიზ შილებე რდას კელტურ სიტყვა, „პარიზიო“ ჯოხო „მოხანდე კათას“ დო „მოხელეეფს.“