ობჟათე ამერიკა: გინორთი გინოჯინეფს შქას

=== დინოხოლენ წყარეფი ===

[[ფაილი:Lake Titicaca on the Andes from Bolivia.jpg|300px|thumb|ტობა [[ტიტიკაკა]]]]

ობჟათე ამერიკა დიდარიე ჟიდონი დო [[დიხაშთუდონი წყარეფი]]თ. თაქიე საგებიოს არძაშე წყარხვეიამი წყარმალუ [[ამაზონი]]. ობჟათე ამერიკაშა მოურს [[დიხაუჩა|დიხაუჩაშ]] წყარმალუეფიშ გინნაველიშ 27 %, გინნაველიშ ოშქარი ფა (58 სმ) ედომიშ სქინონაშ მუნაჩამუშე დახე ჟჷრშა უმოსიე, მარა ვამანგასიე დოთიალაფირი - მუზმარენ მმ-იშე ოშარი სმ-შახ. თაშნეშე ვამანგასიე დოთიალაფირი [[ობჟათე ამერიკაშ წყარმალუეფიშ ერკებული|წყარმალუეფი]] [[ოკიანე]]ეფიშ აუზეფიშ მიკოჯინათ. წყინარი ოკიანეშ აუზი ვითოჟჷრშა მორჩილიე ატლანტიკურშა (თინეფიშ წყარგჷმართუ [[ანდეფი|ანდეფშა]] მეურს). თეშ გალე, ობჟათე ამერიკაშ ტერიტორიაშ 10 % დინოკილერი აუზიე, ნმუთ იჭყაფუ გუაიაკილიშ ჸუჯიშე, გოურს ცენტრალური [[ანდეფი]]შ გვალონაშა დო იგინძორებუ ობჟთე პამპაშა. [[წყარმალუ]]ეფი ჯინჯიერო სარდოვენა [[ჭვემა|ჭვემაშ]] წყარით, უძგაშაში ობჟთეს - [[თირი]]თი დო [[ჯიშტი|ჯიშტეფითი]]. [[რზენი|რზენიშ]] წყარმალუეფი გიმორნაფილიე ონიშებელო. გვალაშ [[წყარმალუ]]ეფს ბრელი [[ჭორომი]] დო [[ოხარჩალაია]] რე ([[ანხელი]], [[კაიეტური]], [[იგუასუ]] დო შხვა). წყარმალუეფი დიდარიე ჰიდროენერგორესურსეფით.