ფერნანდუ პესოა
ფერნანდუ ანტონიუ ნუგეირა პესოა (პორტ. Fernando António Nogueira Pessoa; დ. 13 მანგი, 1888, ლისაბონი, პორტუგალია — ღ. 30 გერგობათუთა, 1935, ლისაბონი, პორტუგალია) — პორტუგალიარი პოეტი, ჭარუ, მათანგალი დო ფილოსოფოსი. მერჩქინელი რე მაეჩა ოშწანურაშ ართ-ართი უდიდაშ პორტუგალიარ პოეტო. პესოა ჭარუნდჷ პორტუგალიურ, ინგლისურ დო ფრანგულ ნინეფშა.
| ფერნანდუ პესოა | |
 ფერნანდუ პესოა 1914 წანას | |
| ფსევდონიმი: |
Alberto Caeiro, Álvaro de Campos, Ricardo Reis, Bernardo Soares დო შხვეფი |
|---|---|
| დაბადებაშ თარიღი: | |
| დაბადებაშ აბანი: | |
| ღურაშ თარიღი: |
გერგობათუთა 30, 1935 (47 წანერი) |
| ღურაშ აბანი: |
ლისაბონი, პორტუგალია |
| ერუანობა: | |
| საქვარუა: | |
| პერიოდი : |
1912–1935 |
| Magnum opus: |
წერილი (1934) |
| ჟანრი: |
პოეზია |
| ნინა: | |
|
| |
ბიოგრაფია
რედაქტირაფაფერნანდუ პესოაქ დებადჷ ლისაბონს, 1888 წანაშ 13 მანგის. ფერნანდუ ხუთი წანერი რდუნ თეშ, მუმაქ ტუბერკულოზით დოღურჷ. დიდაქ მაჟირაშა გეთხუ დო ფერნანდუს უმოსო დიდა დო მუმაჸონერი რდუნდეს. მუმაჸონერი პორტუგალიაშ ოურდუმე ოფიცერი რდჷ დურბანს, ობჟათე აფრიკას. ფერნანდუ გურაფულენდჷ დურბანიშ სკოლას. ჸათე პერიოდის თიქ ჯგირო ქიდიგურუ ინგლისური ნინა დო ლიტერატურა. ჭარალუათ ორდოიანი წანეფიშე დეინტერესჷ. დუდშე ფერნანდუ ჭარუნდჷ თხობელუეფს დო ესსეეფს, ინგლისურო. თიში ნაჭარეფი დურბანიშ ლიტერატურულ ჟურნალეფს იბეჭდუდჷ.
1905 წანას ფერნანდუქ ლისაბონიშა დირთჷ. ჸათაქ თიქ მუში ლიტერატურული კარიერა გაგინძორჷ. 1915 წანას ფერნანდუ პესოაქ, მარიუ დე სა-კარნეირუქ დო ალმადა ნეგრეირუშიქ დარსხუეს ლიტერატურული ჟურნალი "Orpheu", ნამუქჷთ მიშეღჷ მოდერნიზმი პორტუგალიურ ლიტერატურაშა. ფინანსური პრობლემეფიშ გურშენ ჟურნალიშ ხვალე ჟირი ნომერქ გიშართჷ. 1920-იან წანეფს პესოაშ ნახანდეფი იბეჭდუდჷ შხვადოშხვა ლიტერატურულ ჟურნალ-გაზეთეფს, შხვადოშხვა ფსევდონიმეფით. 1907-1935 წანეფს პესოა მუშენდჷ შხვადოშხვა კერზო ფირმეფს დო კომპანიეფს.
1934 წანას გიშართჷ პესოაშ წინგიქ "Mensagem" (წერილი), ნამუთ ლერსეფიშ დო პოემეფიშ კათელი რე. წინგიქ პესოაშ ღურაშახ ართი წანათ ადრე გიშართჷ დო მიპალუ ჯილდო "Prémio Antero de Quental".
ფერნანდუ პესოა თაშნეშე რდჷ მათანგალი ხოლო. თიქ პორტუგალიურ ნინაშა გინოთანგჷ ნათანიელ ჰოთორნიშ, ო. ჰენრიშ, ალფრედ ტენისონიშ, უილიამ ვორდსვორტიშ, ელიზაბეტ ბარეტი ბრაუნინგიშ, ედგარ ალან პოშ, უოლტ უიტმენიშ, ჯონ გრინლიფ უიტიერიშ დო შხვეფიშ ნახანდეფი.
რესურსეფი ინტერნეტის
რედაქტირაფა- ფერნანდუ პესოაშ მუზეუმი
- პესოაშ კერზო ბიბლიოთეკა
- Message the only Portuguese book by Fernando Pessoa published during his lifetime
- ნახანდეფიშ ერკებული პორტუგალიურ ციფრულ ბიბლიოთეკას
- ფერნანდუ პესოა - ნახანდეფი პროექტ „გუტენბერგის“
- Pessoa Plural: Revista de Estudos Pessoanos – A Journal of Fernando Pessoa Studies
- ბიოგრაფია Poets.org-ის
- Pessoa by Eveleigh The many faces of Fernando Pessoa by Aldous Eveleigh
- Fernando Pessoa Tour Audio documentary series about the life and legacy of Fernando Pessoa by Sofia Saldanha