ფრანსისკო პისარო
ფრანსისკო პისარო ი გონსალესი (ესპ. Francisco Pizarro y González, დ. დოხოლაფირო 16 მელახი, 1478 — ღ. 26 მანგი, 1541) — ესპანარი კონკისტადორი, ნამუქჷთ მოჯალაგუ ინკეფიშ იმპერია.
| ფრანსისკო პისარო ესპ. Francisco Pizarro | ||
 ფრანსისკო პისაროშ პორტრეტი (ამაბლ-პოლ კუტანიშ ნახანტა) | ||
| ახალი კასტილიაშ გუბერნატორი | ||
|---|---|---|
| პოსტის გერინაშ ბორჯი | ||
| 26 კვირკვე, 1529 – 26 მანგი, 1541 | ||
| მონარქი | კარლ V | |
| მონძე | კრისტობალ ვაკა დე კასტრო | |
| პოსტის გერინაშ ბორჯი | ||
| 26 კვირკვე, 1529 – 26 მანგი, 1541 | ||
| დუნაბადი | დოხ. 16 მელახი, 1478 ტრუხილიო, კასტილია დო ლეონი | |
| ნაღურა | მანგი 26, 1541 (63 წანერი) ლიმა, ახალი კასტილია | |
| ალმასქუ | ინეს ვაილას იუპანკი | |
| სქუალეფი | ფრანსისკა პისარო იუპანკი | |
| ჯილდოეფი | სანტიაგოშ ორდენი | |
| ხეშმოჭარუა | .png) | |
დებადჷ ნოღა ტრუხილიოს, ღარიბი ფანიას. ბაღანობაშე შარალუათ დეინტერესჷ. ოკათუდჷ კონკისტადორი ვასკო ნუნიეს დე ბალბოაშ ექსპედიციას. პანამაშ ჸალიშ გინოკვათუაშ ბორჯის, ბალბოაქ, პისაროქ დო ექსპედიციაშ შხვა მაკათურეფქ გინირთეს მაართა ევროპალეფო, ნამუეფქჷთ ძირეს რჩქალი ოკიანე ამერიკაშე. უკულ, პისარო ნინალენდჷ ახალდუნარსხუა ნოღა პანამაშ მადუდეთ. პისაროქ ჟირშა მანწყუ ექსპედიცია პერუს, მარა უშედეგოთ. 1529 წანას, თიქ ალობა მიპალუ ესპანეთიშ მონარქიშე დო წიმიჭყჷ მასუმა ექსპედიცია.
პერუშ ტერიტორიაშა მიშულაშ უკულ, პისაროქ თექ ქუდარსხუ ნოღა სან-მიგელ-დე-პიურა. 1532 წანაშ გერგობათუთას პიზაროშ რაზმიქ, კახამარკაშ ლჷმას, ოჭოფუ ინკეფიშ იმპერატორი ატაჰუალპა. პისაროქ მითხუ დიდი მუდანობათ ორქო იმპერატორიშ გადუდიშულებაშო. მუჟამსჷთ ინკეფქ პისაროს ორქო ქიმუღეს, თიქ იმპერატორი იშენ ვაგუტუ, ქეკადვჷ შხვადოშხვა დანაშური დო დოჸვილუ. თე ამბექ მოხვადჷ 1533 წანაშ კვირკვეს. კინ თე წანას, პისაროქ გემშართჷ ინკეფიშ იმპერიაშ ნანანოღა კუსკოშა. ჸათაშ ქუდანთხუ ინკეფიშ იმპერიაქ. 1533 წანაშ ღურთუთას, პისაროქ დარსხუ ნოღა ლიმა. პისაროს უღუდჷ კონფლიქტური ურთიართალა მუში ჸოფილი მაჸალე დიეგო დე ალმაგროწკჷმა. თენეფს ართიანსჷ შქას ვაგართეს ხეშუულებაქ. ართი პერიოდის ალმაგროქ პისარო დამარცხჷ დო ონტინუ. მარა 1538 წანას პისაროქ მუში არმიათ დირთჷ, ორჯგინჷ ალმაგროს დო დოჸვილუ. 1541 წანას ალმაგროშ სქუაქ ნჯარი გეშეღუ. თიში ალმარენჯეფქ გემნაკათეს პისაროს დოხორეშა დო დოჸვილეს.