ფრენსის მეიტლენდ ბალფური
ფრენსის მეიტლენდ ბალფური (ინგლ. Francis Maitland Balfour; დ. 10 გერგობათუთა, 1851, ედინბურგი, შოტლანდია — ღ. 19 კვირკვე, 1882, შამონი, საფრანგეთი) — ინგლისარი ბიოლოგი. გურაფულენდჷ კემბრიჯიშ უნივერსიტეტის. გურაფაშ თებაშ უკულ მუშენდჷ კემბრიჯიშ ტრინიტი-კოლეჯის. ბალფურიშ ომენცარე ინტერესეფიშ სფერო რდჷ ემბრიოლოგია, ევოლუციური ბიოლოგია, ჩხოლარეფიშ მორფოლოგია. გიმირკვიუ გაგაჩამეფიშ ურო-გენიტალური ორგანოეფი, ნერვული სისტემეფი, მიშეღჷ დიდი თია ემბრიოლოგიაშ გოვითარაფაშა. სერიოზული მენცარული რეპუტაციაშ გეშა, ბალფური ომუშებუშა მიჭანეს ოქსფორდიშ დო ედინბურგიშ უნივერსიტეტეფშა, მარა ბალფურიქ კემბრიჯის ქუდოსკიდჷ. 1878 წანაშე ბალფური რდჷ ლონდონიშ ომაფე ჯარალუაშ მაკათური. 1881 წანას ლონდონიშ ომაფე ჯარალუაქ ბალფურის გინოჩჷ ომაფე მენდალი. ბალფურიქ 1870-იან წანეფს ტიფით ქიდელახჷ დო ოკურნალებუშა საფრანგეთიშ ალპეფიშა მიდართჷ. ფრენსის მეიტლენდ ბალფურიქ ტრაგიკულო დოღურჷ მონბლანიშ გვალაშა ეშულაშ ბორჯის, 30 წანერქ, 1882 წანაშ 19 კვირკვეს. ბალფური მერჩქინელი რე XIX ოშწანურაშ ართ-ართ უდიდაშ ბიოლოგო. ჩარლზ დარვინი ბალფურის ინგლისარი კიუვიეს უძახუდჷ. ტომას ჰენრი ჰაქსლიშ აზრით, ხვალე ბალფურის შეულებუდჷ თიშ (ჰაქსლიშ) მენცარული შარაშ გაგინძორაფა დო ბალფურიშ დო უილიამ კინგდონ კლიფორდიშ ადრეიან ღურა რდჷ დიდი ტრაგედია მენცარობაშო.
| ფრენსის მეიტლენდ ბალფური | |
| ინგლ. Francis Maitland Balfour | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 19, 1882 (30 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: |
მაიკლ ფოსტერი |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ომაფე ჯარალუაშ მაკათური (1878) |
.svg){kind=small}
გიშნაგორა პუბლიკაციეფი რედაქტირაფა
- The Elements of Embryology (1874) (with Michael Foster)
- A Treatise on Comparative Embryology (Volume 1, Volume 2, 1880-1881)