ფრიდრიხ დიურენმატი
ფრიდრიხ დიურენმატი (გერმ. Friedrich Dürrenmatt; დ. 5 ღურთუთა, 1921, კონოლფინგენი, ბერნიშ კანტონი, შვეიცარია — ღ. 14 ქირსეთუთა, 1990, ნევშატელი, შვეიცარია) — შვეიცარიალი ნოველისტი, ჭარუ დო დრამატურგი. დიურენმატი რდჷ ეპიკური თეატრიშ მიმალობაშ პროპონენტი. დიურენმატიშ, მუჭოთ პოლიტიკურო აქტიური ავტორიშ ნაჭარეფი იკათუანს ავანგარდულ პიესეფს, ფილოსოფიურ-დეტექტივურ ნოველეფს დო მაკაბრისტულ-სატირული ხასიათიშ ნაწარმებეფს. დიურენმატი რდჷ მეკვარჩხანე შვეიცარიალი ავტორეფიშ "ოლტენიშ ბუნა"-შ მაკათური.
| ფრიდრიხ დიურენმატი გერმ. Friedrich Dürrenmatt | |
 ფრიდრიხ დიურენმატი 1989 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 14, 1990 (69 წანერი) |
| ღურაშ აბანი: |
ნევშატელი, შვეიცარია |
| ერუანობა: | |
| საქვარუა: | |
| პერიოდი : |
1957–1990 |
| Magnum opus: |
ვიზიტი (1956) |
| ჟანრი: | |
| ნინა: | |
| ჯილდოეფი: |
შილერიშ პრემია ნოღა მანჰეიმი (1958) |
ფრიდრიხ დიურენმატი გურაფულენდჷ ფილოსოფიას, გერმანულ ფილოლოგიას დო ლიტერატურას ციურიხიშ უნივერსიტეტის. უკულ გურაფა გაგინძორჷ ბერნიშ უნივერსიტეტის. 1943 წანას დიურენმატიქ ქიმიოტუ აკადემიური კარიერა დო ჭარალუათ დეინტერესჷ. თიში მაართა პიესა რე "ჭარილი რე", ნამუქჷთ 1947 წანას დიდგინჷ. პიესას მოჩამილიე ართი ცინიკოსიშ დო რელიგიური ფანატიკოსიშ იდეოლოგიური ლჷმა. 1950 წანას გიშართჷ პიესაქ "რომულუს დიდი", ნამუქჷთ ავტორს დიდი პოპულარობა მოუღჷ. პიესას ეჭარილი რე რომიშ იმპერიაშ ეკონია პერიოდი.
დიურენმატიშ არძაშე უმოსი ჩინებული პიესა რე "ვიზიტი" (1956), ნამუთ ტრაგიკომედიური ხასიათიში რე.
დიურენმატიშ შხვა ნაწარმებეფიშე ეიოშინალიე: "ფიზიკოსეფი" (პიესა), "ვეგაშ მისია" (რადიო-პიესა), "ეჭვება" (დეტექტივური ნოველა), "ოშქურანჯი ლაჸაფი" (რომანი), "ანგელოზი მოურს ბაბილონიშა" (პიესა), "ავარია" (რომანი), "მოსამართე დო თიში ჯალათი" (რომანი), "პიჯალა" (კრიმინალური რომანი) დო შხვეფი.
რესურსეფი ინტერნეტის
რედაქტირაფა- ფრიდრიხ დიურენმატი ენციკლოპედია ბრიტანიკას
- ფრიდრიხ დიურენმატი — კინოფილმეფიშ ინტერნეტ მუნაჩემეფიშ ბაზას (ინგლისური)
- ფრიდრიხ დიურენმატი SIKART-ის
- დიურენმატიშ ცენტრი ნევშატელი