ქაშმირი
ქაშმირი (ქაშმ. کٔشِیر / कॅशीर; ჰინ. कश्मीर; ურდუ: کشمیر; უიღურ. كەشمىر; შინ. کشمیر) — ინდოსტანიშ ჩქონიშ ოორუე-ბჟადალშე მადვალუ ოდებელი ტერიტორია. ჰიმალაიშ გვალეფს მადვალუ ისტორიული სათარო. ქაშმირიშ გიშართუალა ვა რე ოფიციალურ დონეშა დოდასურაფილი, თინა წჷმარინუანს ჭირკინიშ ბაძაძის თიშ მაფალურ ქიანეფს, გიშაკერძაფილო ინდოეთიშ დო პაკისტანიშ შქას.
![](http://upload.wikimedia.org/wikipedia/commons/thumb/8/84/Kashmir_map_big.jpg/250px-Kashmir_map_big.jpg)
ქაშმირს ოორუეშე ავღანეთი, ბჟაეიოლშე ჩინეთი, ობჟათეშე ინდოეთი დო ბჟადალშე პაკისტანი უხურგანს.
ასეშო ქაშმირი ირთუ ინდოეთიშ შტატ ჯამუ დო ქაშმირო, ფართობი 101 387 კმ², მახორობა 10,1 მლნ ადამიერი. მუშითგჷმოცხადაფილი ვაღიარაფილი ქიანა აზად ქაშმირს, ფართობი 13 000 კმ² დო მახორობა 3,6 მლნ ადამიერი, აკონტროლენს პაკისტანი. „ოორუე ტერიტორია“ ფართობი 72 500 კმ² დო მახორობა 1 მლნ ადამიერი, აკონტროლენს პაკისტანი დო მორჩილი ტერიტორია ჩინეთიშ კონტროლიშ გიმე, ნამუშ ფართობი რე 37 555 კმ², მახორობა — მუსხირენ ვითოში რე. ქაშმირიშ საართო ფართობი რე 222 236 კმ².
ინდოეთ-პაკისტანიშ მერინაფა
რედაქტირაფაქაშმირს ინდოეთ-პაკისტანისმერინაფაშ ისტორია:
- 1947 წანა, ინდოეთიქ დო პაკისტანქ ზოხორინალა მიპალეს.
- 1949 წანა, კუნთხუეფი დაჩხირიშ მეჭყორიდაფაშე აკორაგადუეს. პაკისტანქ ქაშმირიშ 1/3 მიპალუ.
- 1965 წანა, იჭყაფუ ლჷმა პაკისტანიშით ინსპირირაფილ ახირებაშე ინდოეთიშ ოგამე ქიმინჯეფიშ შედეგო.
- 1971 წანა, ქაშმირს სერიოზული ბურჯაფეფი ბანგლადეშიშ ზოხორინალაშ გეშა ინდოეთ-პაკისტანიშ ლჷმაშ ბორჯის.
- 1989 წანა, მაძინე სეპარატისტული ყარაფი იჭყანს აკოანჯარაფილ გიშულეფს ინდოეთიშით კონტროლირაბაფონ ქაშმირს.
- 1998 წანა, ინდოეთი დო პაკისტანი ბირთვული ანჯარიშ ტესტეფს აწარმენა.
- 1999 წანა, იჭყაფუ ქარგილიშ ჟირთუთიანი კონფლიქტი პაკისტანიშით ოკონტროლე ღოზიშ დორცუაფაშ გეშა.
- 2001 წანა, ბურჯაფეფქ გეახალჷ ექსტრემისტული ჯგუბუეფიშ გოაქტიურაფაშ გეშა.
- 2002 წანა, სეპარატისტეფქ ინდოეთიშ ოურდუმე ბაზას ქეგინათხეს.
ლიტერატურა
რედაქტირაფა- „24 საათი“ 2002 წ. N1.