ყვაპუშ წამალი

ყვაპუშ წამალი (ლათ. Datura) — ჩანარეფიშ გვარი ჯოღორიშ მაჸურზენაიაშბურეფიშ ფანიაშე. ოდიარეეფი, ოშა-გოშათ ჯალეფი დო ბართვეფი რე. უმენტაშო გოფაჩილი რე ტროპიკულ დო სუბტროპიკულ ორტყაფუეფს.

ყვაპუშ წამალიშ გუმნაღელი

ინდური ყვაპუშ წამალი

ჩანარი აკმაშქვანს 20-შახ გვარობას. ჸოფილ სსრრ-ს ართწანიანი ოდიარეეფიშ 4 გვარობა ჩანს; თინეფშე 2 — Datura metel დო Datura innoxia კულტივირაფილი დო გოფაჩილი რე. საქორთუოს 2 გვარობა რე: Datura stramonium დო Datura metel. თე ეკონია აწოჸუნელი რე აფხაზეთის. Datura stramonium ართწანიანი ოდიარე ჩანარი რე, ირდუ რუდერალურ აბანეფს, ღობერიშ ჯინჯის, ორდვინს, რზაპიჯეფს.

ყვაპუშ წამალიშ ოდაბადე რე ცენტრალური დო ობჟათე ამერიკა. ასე ფართას რე გოფაჩილი ევრაზიას. კავკაციას დახე არძა რაიონიშ გვალაშ გიმენი ორტყაფუს აფხვადჷნა. მუმაწამალარი ჩანარი რე, დიდი მუდანობათ იკათუანს ალკალოიდ პიოსციმინს (ფურცელეფს0,28&, თასის 0,33-,-0,48,7%), თაშნეშე სკოპოლამინს დო ატროპინს, შხვადოშხვა სახეშ ციმუეფს, მორჩილი მუდანობათ სპირტეფს დო ალდეჰიდეფს.

ყვაპუშ წამალშე კეთებული პრეპარატეფი გჷმირინუაფუ რევმატიზმიშ დო ბრონქული ასთმაშ ოსქილადარო.

გალერეა

• 
  ყვაპუშ წამალიშ პიოლი (ელახიანი მიოჯინი) ჰარაბადიშ გოხოლუას, ანდჰრა-პრადეში, ინდოეთი
• 
  ყვაპუშ წამალიშშ პიოლი (ჟილენი მიოჯინი) ჰარაბადიშ გოხოლუას, ანდჰრა-პრადეში, ინდოეთი
• 
  მაფალუ ყვაპუშ წამალი

ლიტერატურა

• ხინთიბიძე ლ., ქსე, ტ. 6, გვ. 166, თბ., 1983