შარლ მესიე

შარლ მესიე
	შარლ მესიე
	ფრანგ. Charles Messier
დაბადებაშ თარიღი:	26 მანგი, 1730
დაბადებაშ აბანი:	ბადონვილერი, საფრანგეთი
ღურაშ თარიღი:	პირელი 12, 1817 (86 წანერი)
ღურაშ აბანი:	პარიზი, საფრანგეთი
მენოღალობა:	საფრანგეთი
ომენცარე სფერო:	ასტრონომია
ჩინებული რე მუჭოთ:	მესიეშ კატალოგიშ აკმადგინალი
ჯილდოეფი დო პრემიეფი:	პარიზიშ მენცარობეფიშ აკადემიაშ მაკათური (1770); ომაფე ჯარალუაშ მაკათური (1764); საპატიო ლეგიონიშ ორდენიშ კავალერი
ხეშმოჭარუა:

შარლ მესიე (ფრანგ. Charles Messier; დ. 26 მანგი, 1730, ბადონვილერი, საფრანგეთი — ღ. 12 პირელი, 1817, პარიზი, საფრანგეთი) — ფრანგი ასტრონომი. რე ავტორი ასტრონომიული კატალოგიშ, ნამუთ შინელი მუჭოთ მესიეშ კატალოგი დო იკათუანს 110 ნირსეულს დო მურიცხბუნას.

მესიექ ასტრონომიათ ორდოიანი წანეფიშე დეინტერესჷ. 1751 წანაშე რდჷ შინელი ფრანგი მენცარიშ, საფრანგეთიშ ოზუღე ნძალეფიშ ასტრონომიშ ჟოზეფ-ნიკოლა დელილიშ ასისტენტი.

1753 წანაშ 6 მესის მესიექ მენცარულო ეჭარუ დო გიმირკვიუ მერკურიშ ტრანზიტი. მუში კარიერაშ პერიოდის თიქ მიოგორუ 13 კომეტას. შარლ მესიე უმოსო შინელი რე ასტრონომიული ობიექტეფიშ კატალოგით, ნამუთ თიქ აკადგინჷ 1770-იან წანეფს. კატალოგიშა მიშაღალირი რე 39 გალაქტიკა, 4 პლანეტარული ნირსეული, 7 შხვა ტიპიშ ნირსეული დო 55 მურიცხბუნა. მესიე ჸათე ასტრონომიული ობიექტეფს ირკვიენდჷ 100 მმ.-იანი რეფრაქტორული ტელესკოპით.

მესიეშ კატალოგიშ მაართა ვერსიაქ 1774 წანას გიშართჷ საფრანგეთიშ მენცარობეფიშ აკადემიაშ ჟურნალს. თიხანური პერიოდიშ კატალოგი დუდშე ხვალე 45 ასტრონომიული ობიექტის იკათუანდჷ. 1780 წანას ობიექტეფიშ მუდანობაქ 80-შა ქიმერთჷ. კატალოგიშ ეკონია ვერსიაქ გჷმიბჟინუ 1781 წანას.

მესიე რდჷ შხვადოშხვა პრემიეფიშ დო ჯილდოეფიშ ლაურეატი. თინა რდჷ საფრანგეთიშ საპატიო ლეგიონიშ ორდენიშ კავალერი, ლონდონიშ ომაფე ჯარალუაშ, საფრანგეთიშ მენცარობეფიშ აკადემიაშ დო შვედეთიშ მენცარობეფიშ ომაფე აკადემიაშ მაკათური.

შარლ მესიექ ღურუ 1817 წანაშ 12 პირელს, 86 წანერქ. ნთხორილი რე პარიზიშ პერ-ლაშეზიშ სასაფლას.

შარლ მესიეშ ჯოხონობაშ რე თუთაშ ართი კრატერი დო ართი ასტეროიდი.

კომეტეფი ნამუეფსჷთ მესიექ მიოგორუ

C/1760 B1 (მესიე)
C/1763 S1 (მესიე)
C/1764 A1 (მესიე)
C/1766 E1 (მესიე)
C/1769 P1 (მესიე
D/1770 L1 (ლექსელი)
C/1771 G1 (მესიე)
C/1773 T1 (მესიე)
C/1780 U2 (მესიე)
C/1788 W1 (მესიე)
C/1793 S2 (მესიე)
C/1798 G1 (მესიე)
C/1785 A1 (მესიე-მეშენი)

ქოძირით თაშნეშე

მესიეშ კატალოგი

ლიტერატურა

O'Meara, Stephen James (1998). Deep Sky Companions: The Messier Objects. Cambridge University Press.

რესურსეფი ინტერნეტის

შარლ მესიე ენციკლოპედია ბრიტანიკას
Interactive Messier Catalog.
Amateur Photos of Charles Messier Objects.
Messier biography.
Clickable table of Messier objects.
Charles Messier explains his catalog YouTube-ს
Charles Messier. a virtual exhibition by the Paris Observatory digital library.
Charles Messier's manuscripts on Paris Observatory digital library