შაჰ რუხ ხანი
შაჰ რუხ ხანი (თაშნეშე შაჰრუხ ხანი, ჰინ. शाहरुख़ ख़ान; დ. 2 გერგობათუთა, 1965) — ინდოარი კინოარტისტი, კინორეჟისორი დო სატელევიზიო მაჸვენჯი. „ბოლივუდიშ მაფათ“ ჯოხოდვალირს როლეფი 70-შე უმოს ინდურ ფილმს აფუ სრულებური.[1][2][3]
| შაჰ რუხ ხანი | |
| ჰინ. शाहरुख़ ख़ान, ურდუ: شاہ رخ خان, ინგლ. Shahrukh Khan | |
 | |
| მოღალობა |
არტისტი, კინოპროდიუსერი, ბიზნესმენი, ტელემაჸვენჯი |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| მენოღალობა | |
| ალმასქუ |
გაური ჩიბერი (გ. 1991) |
| სქუალეფი | |
| ჯილდოეფი: |
პადმა შრი; ხელუანობაშ დო ლიტერატურაშ ორდენიშ ოფიცერი; საპატიო ლეგიონიშ ორდენიშ კავალერი |
შაჰ რუხ ხანიშ კარიერაქ გვიან 1980-იან წანეფს, მუსხირენ სატელევიზიო სერიალს მორჩილი როლეფიშ სრულებათ დიჭყჷ. თიში კინოდებიუტიქ ფილმს დივანა (1992) იჸუ. თიშ უკული თიქ მიარე კომერციულო წაჷმოძინელ ფილმს ოკათუდჷ დო მიარე როლშო კრიტიკოსეფიშ ცქვაფა დეინალუ. მეღებულჷ აფუ ვითაანთხი „ფილმფერიშ ჯილდო“ თიშ დოინალაფაშოთ ინდურ კინოინდუსტრიას, ნამუშეთ ბრუო — საუჯგუშო არტისტიშ კატეგორიას. 2005 წანას ინდოეთიშ თარობაქ თინა პადმა შრით დაჯილდუ ინდოეთიშ კინემატოგრაფიაშა მიშნაღელი თიაშ გეშა.
შაჰ რუხ ხანიშ ფილმეფი, მუჭომით რე დილვალე დულჰანია ლე ჯაიენგე (1995), კუჩ კუჩ ჰოტა ჰაი (1998), ჩაკ დელ ინდია (2007), ომ შანტი ომ (2007) დო რაბ ნე ბანა დი ჯოდი (2008) ბოლივუდიშ უდიდაშ ჰიტეფს შქას რე, ფილეფი კაბჰი ხუში კაბჰი ღამ... (2001), კალ ჰო ნაა ჰო (2003), ვეერ-ზაარა (2004), კაბჰი ალვიდა ნაა კეჰნა (2006) დო მა ბჯოხო ხანი (2010) ინდოეთიშ ხურგეფს გალე არძაშე მომგებიანი პროდუქტეფი რდჷ, მუთ თის ინდოეთიშ არძაშე წჷმოძინელ არტისტო გინმართინუანს.[4]
2000 წანაშე შაჰ რუხ ხანქ კინორეჟისორალა დო ტელემაჸვენობა ქჷდიჭყჷ. თინა რე ჟირი საპროდიუსორო კომპანიაშ, დრიმზ ანლიმიტედ დო რედ ჩილიზ ენტერტეინმენტ, დჷმარხუაფალი/მინჯე. გლობალურო, შაჰ რუხ ხანი ართ-ართ უდიდაშ კინოარტისტო იკოროცხუ დო თიშ თაყვანიშმემაჩამალეფიშ რიცხუ მილიარდის უკინდუანს.[5] 2008 წანას, ჟურნალქ ნიუსუიკი თინა მოსოფელიშ 50 უჭყანიერეშ ადამიერეფს შქას დასახელჷ.
სქოლიო
რედაქტირაფა- ↑ გლობალური ელიტა – 41: შაჰ რუხ ხანი. Newsweek (20 დეკემბერი, 2008). კითხირიშ თარიღი: 24 დეკემბერი, 2008.
- ↑ “ბოლივუდის მეფე“, CNN, 5 თებერვალი, 2008. კითხირიშ თარიღი: 25 ივნისი, 2011.
- ↑ სანერი, ემინ. “ბოლივუდის მეფე“, 4 აგვისტო, 2006. კითხირიშ თარიღი: 25 June 2011.
- ↑ კუმარი, ანუჯ. “Bollywood bonanza“, The Hindu, 11 ნოემბერი, 2004. კითხირიშ თარიღი: 16 August 2009.
კამათი, სუდჰიშ. “Being SRK“, The Hindu, 7 დეკემბერი, 2007. კითხირიშ თარიღი: 16 August 2009. - ↑ სარა გორდონი. “Airport denies Shah Rukh Khan's body scanner image was printed for autographs“, დეილი მეილი, 10 თებერვალი, 2010. კითხირიშ თარიღი: 12 February 2010.